- એલોન મસ્કના સ્પેરએક્સની મદદથી સુરક્ષિત પરત ફરી શકે
- સ્ટારલાઈનર સિવાય અન્ય વિકલ્પો વિશે પણ NASA કાર્યરત
- ફેબ્રુઆરી 2025 સુધીમાં બંને અંતરિક્ષ યાત્રીઓ પરત આવશે
સુનિતા વિલિયમ્સને ધરતી પર પરત આવવા મુદ્દે યુએસ સ્પેસ એજન્સીના એક અધિકારીએ કહ્યું છે કે નાસાએ જે વિકલ્પો પર વિચાર કર્યો છે તેમાંથી એક એવો છે કે આ બંનેને ફેબ્રુઆરી 2025 સુધીમાં અવકાશમાંથી પાછા લાવી શકાય. વાસ્તવમાં, જો આ વિકલ્પ લાગુ કરવામાં આવે છે, તો નાસા સ્ટારલાઇનરનો ઉપયોગ કરવાને બદલે એલોન મસ્કના સ્પેસએક્સ દ્વારા આ બંનેને પરત લાવી શકાશે.
અવકાશમાંથી સુનીતા વિલિયમ્સ અને બૂચ વિલ્મોરને પરત લાવવાની રાહ જોવાઈ રહી છે, પરંતુ નાસા દ્વારા આપવામાં આવેલી માહિતીએ મોટો આંચકો આપ્યો છે. આ બંને 5 જૂને બોઈંગના સ્ટારલાઈનર સ્પેસક્રાફ્ટમાં 13 દિવસના સ્પેસ મિશન પર ગયા હતા, પરંતુ 2 મહિના પછી પણ તેઓ પાછા ફરી શક્યા નથી.
નાસા ઇન્ટરનેશનલ સ્પેસ સ્ટેશનથી બંને અવકાશયાત્રીઓને પરત લાવવા માટે સ્ટારલાઇનર સિવાય અન્ય વિકલ્પો પર વિચાર કરી રહી છે. તેથી, સુનિતા વિલિયમ્સ અને બૂચ વિલ્મોરની વાપસી માટે હજુ થોડા મહિના રાહ જોવી પડશે.
રિટર્ન પ્લાન પર નાસાએ શું કહ્યું?
નાસાએ ગઈકાલે મોડી રાત્રે માહિતી આપી હતી કે તેણે અવકાશયાત્રીઓ સુનિતા વિલિયમ્સ અને બુચ વિલ્મોરને અંતરિક્ષમાંથી પરત લાવવા માટે તમામ વિકલ્પો પર વિચાર કર્યો છે. મીડિયા સાથે વાત કરતા યુએસ સ્પેસ એજન્સીના એક અધિકારીએ કહ્યું છે કે નાસાએ જે વિકલ્પો પર વિચાર કર્યો છે તેમાંથી એક એવો છે કે આ બંનેને ફેબ્રુઆરી 2025 સુધીમાં અવકાશમાંથી પાછા લાવી શકાય. નાસા સ્ટારલાઇનરનો ઉપયોગ કરવાને બદલે એલોન મસ્કના સ્પેસએક્સ દ્વારા બંનેને પરત લાવી શકે છે.
કોમર્શિયલ ક્રૂ પ્રોગ્રામના મેનેજર સ્ટીવ સ્ટિચે જણાવ્યું હતું કે નાસાનો પહેલો વિકલ્પ બૂચ અને સુનિતાને સ્ટારલાઇનર દ્વારા પાછા લાવવાનો છે. પરંતુ જો આ શક્ય ન હોય તો અમારી પાસે બીજા ઘણા વિકલ્પો છે. સ્ટીવ સ્ટિચે કહ્યું છે કે નાસા સ્પેસએક્સ સાથે ક્રૂ 9ને સ્પેસ મિશન પર મોકલવા માટે કામ કરી રહ્યું છે, તેથી અમારો પ્રયાસ છે કે જો જરૂર પડશે તો અમે સુનિતા વિલિયમ્સ અને બૂચ વિલ્મોરને ક્રૂ 9માં સામેલ કરીશું.
શું સુનીતા વિલિયમ્સ 2025માં પાછા આવશે?
ક્રૂ 9 નો ઉલ્લેખ કરીને, નાસાના અધિકારીએ જણાવ્યું છે કે નાસાએ બંને અવકાશયાત્રીઓને પૃથ્વી પર પાછા લાવવા માટે શું રણનીતિ બનાવી છે. તેણે કહ્યું કે તેનો ખાસ ઉદ્દેશ્ય 2025 સુધીમાં સુનીતા વિલિયમ્સ અને બૂચ વિલ્મોરને પરત લાવવાનો છે. સ્ટીવ સ્ટિચે કહ્યું છે કે ક્રૂ 9 માટે અમે અહીંથી માત્ર બે અવકાશયાત્રીઓ મોકલીશું, સુનિતા વિલિયમ્સ અને બૂચ વિલ્મોર ક્રૂ 9ના ભાગ રૂપે સ્પેસ સ્ટેશન પર કામ કરશે અને ત્યારબાદ ચારેય અવકાશયાત્રીઓને ફેબ્રુઆરી 2025 સુધીમાં પરત લાવવામાં આવશે. જોકે, તેમણે કહ્યું કે નાસાએ હજુ સુધી આ પ્લાનને મંજૂરી આપી નથી, તેના પર માત્ર વિચાર કરવામાં આવી રહ્યો છે.
નાસાએ મંગળવારે સ્પેસએક્સ ક્રૂ 9 મિશનમાં રાહ જોવાની વાત કરી હતી. આ મિશન આ મહિને શરુ થવાનું હતું પરંતુ હવે તેને 25 સપ્ટેમ્બર સુધી સ્થગિત કરી દેવામાં આવ્યું છે. ક્રૂ 9 મિશન દ્વારા 4 અવકાશયાત્રીઓને ઇન્ટરનેશનલ સ્પેસ સ્ટેશન પર મોકલવામાં આવનાર છે. આ મિશન સ્પેસએક્સ ફાલ્કન 9 રોકેટ અને ડ્રેગન સ્પેસક્રાફ્ટ દ્વારા લોન્ચ કરવામાં આવનાર છે.
વિલિયમ્સ-વિલ્મોર 2 મહિનાથી અવકાશમાં છે
સુનિતા વિલિયમ્સ અને બુચ વિલ્મોર 5 જૂને બોઇંગના સ્ટારલાઇનર એરક્રાફ્ટમાં અવકાશમાં પહોંચ્યા હતા, બંને 13 જૂને પૃથ્વી પર પાછા ફરવાના હતા, પરંતુ સ્ટારલાઇનરમાં ટેકનિકલ ખામીના કારણે આ શક્ય બન્યું ન હતું. જો કે નાસાના અધિકારીઓ અને એન્જિનિયરો આ ખામીને દૂર કરવાનો પ્રયાસ કરી રહ્યા છે, પરંતુ 2 મહિના પછી પણ સુનીતા અને બૂચના પરત ફરવાની કોઈ તારીખ નક્કી કરવામાં આવી નથી.
લાંબા સમય સુધી અવકાશમાં રહેવું જોખમી છે
નાસાએ સુનીતા વિલિયમ્સ અને બૂચ વિલ્મોરને પરત લાવવા મુદ્દે 90 દિવસ માટે મુલતવી રાખ્યું હતું, ત્યારે તેમણે કહ્યું હતું કે બંને અવકાશયાત્રીઓ પાસે પૂરતું રાશન હતું. તેથી, તેમને અવકાશમાં ખાવા-પીવામાં કોઈ સમસ્યા નહીં થાય, તે બંને લાંબા સમય સુધી સ્પેસ સ્ટેશન પર રહી શકશે.
પરંતુ અંતરિક્ષમાં અનેક પડકારોનો સામનો કરવો પડે છે. અવકાશમાં રેડિયેશનનું ઊંચું જોખમ છે, જે અવકાશયાત્રીઓના શરીરને નુકસાન પહોંચાડે છે. અવકાશમાં ગુરુત્વાકર્ષણના અભાવને કારણે, ચહેરા પર સોજો અને શરીરના નીચેના ભાગમાં પ્રવાહીની ઉણપ શરૂ થાય છે. આ સિવાય અવકાશમાં વધુ દિવસો વિતાવવાથી પણ શરીરમાં એનિમિયા થાય છે.
આવી સ્થિતિમાં, જોવાનું એ રહે છે કે શું નાસા સુનિતા વિલિયમ્સ અને બૂચ વિલ્મોરને ફેબ્રુઆરી સુધીમાં પાછા લાવવાની યોજનાને ખરેખર મંજૂરી આપશે? અથવા તે સ્ટારલાઇનરની તમામ તકનીકી ખામીઓને દૂર કરશે અને તે બંનેના વહેલા પરત આવવાનો માર્ગ મોકળો કરશે.
