લેબેનોનમાં હિઝબુલ્લાના આતંકવાદીઓને મારવા પહેલા પેજર હુમલો અને પછી વૉકી-ટોકીમાં વિસ્ફોટ થયા. 100થી વધુ આતંકીઓ ઈજાગ્રસ્ત થયા હતા. 90 સારવાર હેઠળ ઈરાન ખસેડવામાં આવ્યા છે. આ હુમલા પછી શંકાની સોય ઈઝરાયલની સૌથી ખતરનાક સાયબર વોરફેયર યુનિટ 8200ની તરફ છે. આ યુનિટ પર આરોપ લાગ્યો છે કે, લેબેનોનમાં થયેલા હુમલા આ યુનિટે કરાવ્યા છે. ઈઝરાયલે આની પર પ્રતિક્રિયા નથી આપી. જો કે આ ઓપરેશનની યોજના બનાવવામાં એક વર્ષ કરતાં વધુ સમય લાગ્યો છે. આ માટે યોગ્ય યોજનાની જરૂર હતી. જેમાં કથિત રીતે યુનિટ 8200નું નામ સામે આવી રહ્યુ છે.
ઈઝરાયેલનું સિક્રેટ યુનિટ 8200 કેટલું હાઈ-ટેક છે, તે કેવી રીતે કામ કરે છે?
યુનિટ 8200 એ ઈઝરાયેલનું સૌથી ગુપ્ત લશ્કરી એકમ છે. તે ઈઝરાયેલ ડિફેન્સ ફોર્સ (IDF)નો ભાગ છે. તેને સૌથી હાઈટેક યુનિટ કહેવામાં આવે છે કારણ કે તે ટેક્નોલૉજી દ્વારા યુદ્ધ લડે છે અને સાયબર ડિફેન્સ માટે કામ કરે છે. તેની કામ કરવાની રીત એકદમ અલગ છે અને તે સૌથી અદ્યતન સ્તરની ટેક્નોલૉજીનો ઉપયોગ કરે છે તે ઇઝરાયેલને સાયબર હુમલાઓથી બચાવવા માટે પણ કામ કરે છે. તે ટેક્નોલૉજી દ્વારા ગુપ્ત માહિતી ભેગી કરે છે.
યુનિટ 8200નું કામ કરવાની સરખામણી ઘણીવાર અમેરિકી રાષ્ટ્રીય સુરક્ષા એજન્સી સાથે કરવામાં આવે છે. જેમાં આતંકવાદી ખતરાને ટક્કર આપવાથી લઈ સાયબર હુમલો કરવા સુધીની ક્ષમતા છે. ઈઝરાયલની આ સિક્રેટ યુનિટનો હિસ્સો બનવું સરળ નથી હોતું. આમાં ટેક્નિક ક્ષેત્રના સૌથી ઈન્ટેલિજન્સ નિષ્ણાતોની ભરતી કરવામાં આવે છે.
આ યુનિટ જુદા પ્રકારની વિચારણા, ટેક્નિકલ વિશેષતા અને બીજું નવું કરવાના પર ધ્યાન કરે છે. આની સાથે યુથ યુનિટને હેકિંગ, એન્ક્રિપ્શન અને નિરીક્ષણ સહિત અઘરા ગુપ્તચર કામોને સંભાળવાની ટ્રેનિંગ અપાચ છે.
યુનિટના કર્મચારીઓને ઈઝરાયલે બનાવ્યા હાઈ-ટેક
આ યુનિટનો હિસ્સો રહેલા પૂર્વ કર્મચારીઓએ કેટલાક વર્ષોમાં ઈઝરાયલને હાઈ-ટેક બનાવ્યું છે. અહીં ઓર્કા સિક્યોરિટી જેવી કંપનીઓની સ્થાપના થઈ જેને દેશના સાયબર સુરક્ષા ક્ષેત્રને પ્રભાવિત કર્યું છે. યુનિટનું કામ ઈઝરાયલની સરહદોથી બહાર ફેલાયેલું છે. ઘણું હાઈ-પ્રોફાઈલ સાયબર ઓપરેશનમાં આનું નામ સામે આવી ચુક્યું છે. જેમાં સ્ટકસનેટ વાયરસ હુમલો પણ સામેલ છે. જેને ઈરાનના પરમાણુ કાર્યક્રમને ખરાબ રીતે અસર કરી હતી.
વર્ષ-2018માં આઈડીએફે જાહેર રીતે પશ્ચિમી દેશ પર ઈસ્લામિક સ્ટેટના હવાઈ હુમલાને નિષ્ફળ કરવામાં યુનિટની ભૂમિકાનો સ્વીકાર કર્યો હતો. ગુપ્તચર જાણકારી એકઠી કરવા અને સાયબર ગુનામાં આની ભૂમિકા પર ઘણી જાણકારીઓ સામે આવી હતી. છતાં યુનિટ 8200 ઈઝરાયલની ડિફેન્સ સિસ્ટમનો હિસ્સો બનેલી છે. જે સાયબર વોરને સતત ડેવલપ કરી રહેલા ક્ષેત્રમાં સતત નવા પડકારોનો સામનો કરી રહ્યું છે.
