અમેરિકામાં રાષ્ટ્રપતિની ચૂંટણીના પ્રચાર વચ્ચે બસ હાઇજેકની એક ઘટના સામે આવી છે. લોસ એન્જલસમાં એક બસને હાઇજેક કરવામાં આવી છે. પોલીસે હાઇજેક કરાયેલી બસને ચારે બાજુથી ઘેરી લીધી છે. બસના ડ્રાઈવર અને મુસાફરોને બસની અંદર બંધક બનાવવામાં આવ્યા હતા. ઘટનાની જાણ થતા SWAT ટીમ ઘટનાસ્થળે પહોંચી હતી. જોકે, મળતી માહિતી અનુસાર ડ્રાઈવર બારીમાંથી કૂદીને ભાગવામાં સફળ રહ્યો હતો. પોલીસે બસને ઘેરી લીધી છે.
બંદૂકથી સજ્જ હતો અપહરણકર્તા
લોસ એન્જલસના ડાઉનટાઉનમાં એક બંદૂકધારીએ બસ હાઇજેક કરી લીધી છે અને પોલીસ દ્વારા પીછો કરવામાં આવતા મુસાફરોને બંધક બનાવ્યા છે. આ ઘટના બુધવારે વહેલી સવારે બની હતી. અધિકારીઓએ સમગ્ર શહેરમાં હાઈ સ્પીડથી બસનો પીછો કર્યો હતો.
પોલીસે બસને ઘેરી લીધી
પોલીસ પીછો કરી રહી હતી તે દરમિયાન એક સમયે વાહન વન-વે રોડ પર રોંગ સાઈડમાં જતું રહ્યું હતું. પોલીસે બસના ટાયરોને ખરાબ કરવા માટે સ્પાઇક સ્ટ્રિપ્સનો ઉપયોગ કર્યો હતો. આ કારણે બસ રોકાઈ ગઈ હતી અને તેનો માર્ગ બખ્તરબંધ વાહન દ્વારા બંધ કરી દેવામાં આવ્યો હતો.
બસમાં કેટલા લોકો હતા તે સ્પષ્ટ નથી
બંદૂકધારી પોલીસ સાથે ગોળીબારમાં પકડાયો હતો, જેણે ઓછામાં ઓછા એક વ્યક્તિને બંધક બનાવ્યો હતો. આ ઘટના સાથે જોડાયેલા એક સાક્ષીએ કહ્યું કે, “તે ફિલ્મ ‘સ્પીડ’ જેવી લાગતી હતી.” બીજા સાક્ષી અનુસાર હથિયારો સાથે પોલીસ લાઉડસ્પીકર દ્વારા અપહરણકર્તા સાથે સતત વાત કરી રહી છે. જોકે, શરૂઆતમાં એ સ્પષ્ટ થયું ન હતું કે હાઇજેક કરાયેલી બસમાં કેટલા લોકો મુસાફરી કરી રહ્યા હતા. મળતી માહિતી અનુસાર ડ્રાઇવર બંદૂકધારી અપહરણકર્તાના નિર્દેશનમાં બસ ચલાવી રહ્યો હતો, જે અગાઉની ગોળીબારની ઘટના સાથે કથિત રીતે જોડાયેલો હતો.
