પ્રાઈમ મિનિસ્ટર XI સામેની વોર્મ-અપ મેચમાં ટીમ ઈન્ડિયાના બોલરોએ શાનદાર બોલિંગ કરી હતી. એડિલેડમાં રમાનારી ડે-નાઈટ ટેસ્ટ મેચને ધ્યાનમાં રાખીને આ મેચ રાખવામાં આવી હતી. કેનબેરાના મનુકા ઓવલમાં પિંક બોલથી રમાયેલી આ મેચ માટે ટીમ ઈન્ડિયાના બોલરોને તૈયારી કરવાની પૂરી તક મળી. જો કે જસપ્રીત બુમરાહે આ વોર્મ-અપ મેચમાં બોલિંગ કરી ન હતી. આવી સ્થિતિમાં ઝડપી બોલર મોહમ્મદ સિરાજે નવા બોલથી શરૂઆત કરી. પરંતુ મેચની પહેલી જ ઓવરમાં તે ખૂબ જ ગુસ્સામાં જોવા મળ્યો હતો.
વોર્મ અપ મેચમાં સિરાજને આવ્યો ગુસ્સો!
મોહમ્મદ સિરાજે મેચના પ્રથમ બોલ પર 1 રન ખર્ચ્યો હતો, ત્યારબાદ તેણે ઓસ્ટ્રેલિયાના બેટ્સમેન મેટ રેનશો સામે સતત ત્રણ ડોટ બોલ ફેંક્યા હતા. પરંતુ સિરાજ ઓવરનો 5મો બોલ ફેંકવાનો હતો તે પહેલા જ મેટ રેનશો અચાનક વિકેટથી દૂર ખસી ગયો હતો, જેના કારણે સિરાજે તેની બોલિંગ અધવચ્ચે જ રોકવી પડી હતી. વાસ્તવમાં, મેટ રેનશોએ સિરાજને સાઈટ-સ્ક્રીનની ભૂલને કારણે રોક્યો હતો.
સ્ટેન્ડમાં ફરતા સુરક્ષાકર્મીઓના કારણે મેટ રેનશોએ સિરાજને રોક્યો હતો, આવી સ્થિતિમાં મોહમ્મદ સિરાજે બેટ્સમેનને બદલે સુરક્ષાકર્મીઓ પર પોતાનો ગુસ્સો ઠાલવ્યો હતો, જેના કારણે આ ઘટના બની હતી. સિરાજ ખૂબ જ ગુસ્સામાં દેખાઈ રહ્યો હતો, જેના પછી તેણે બૂમ પાડી, ઓ ભાઈ, ગાર્ડનમાં ફરો છો?’ સિરાજની આ ટિપ્પણી પછી ચાહકોને પણ રોહિત શર્મા યાદ આવ્યા. વાસ્તવમાં, રોહિત શર્માને આ વર્ષની શરૂઆતમાં ઇંગ્લેન્ડ સામે રમાયેલી ટેસ્ટ સિરીઝ દરમિયાન તેના સાથી ખેલાડીઓ પર ગુસ્સે થતાં આ જ કહેતા સાંભળવામાં આવ્યો હતો. તે દરમિયાન રોહિતે કહ્યું હતું કે, ‘અહીં ગાર્ડનમાં કોઈ ફરશે નહીં.’
સિરાજે મેટ રેનશોને પોતાનો શિકાર બનાવ્યો
મોહમ્મદ સિરાજે આ મેચમાં કુલ 7 ઓવર નાંખી, જે દરમિયાન તેને 1 સફળતા મળી. સિરાજને આ વિકેટ મેટ રેનશોના રૂપમાં મળી જે 20 બોલમાં માત્ર 5 રન બનાવી શક્યો. આ દરમિયાન સિરાજે માત્ર 18 રન જ ખર્ચ્યા અને 1 મેડન ઓવર પણ નાખી. તમને જણાવી દઈએ કે, મોહમ્મદ સિરાજ આ સીરિઝમાં ટીમ ઈન્ડિયાના સૌથી મહત્વપૂર્ણ બોલરોમાંથી એક છે, તેથી પિંક બોલથી તેનું પ્રદર્શન ટીમ માટે સારો સંકેત છે. કારણ કે આ મેચ દરમિયાન તે પણ ખૂબ સારા ફોર્મમાં જોવા મળ્યો હતો.
