ડોનાલ્ડ ટ્રમ્પે દેશમાં સત્તા સંભાળતાની સાથે જ ‘અમેરિકા ફર્સ્ટ’ની નીતિને લાગુ કરવા માટે પગલાં લેવાનું શરૂ કર્યું. ટ્રમ્પે જાહેરાત કરી છે કે તેઓ કેનેડા અને મેક્સિકોથી આવતા સામાન પર 25 ટકા ટેરિફ લાદશે. ટેરિફ લાદવા પાછળનું કારણ ગેરકાયદેસર સ્થળાંતર અને ડ્રગ્સની હેરાફેરી રોકવાનું છે.
કેનેડાના વડા પ્રધાન આ નિર્ણય પર પ્રતિક્રિયા આપવા માટે આક્રમક
કેનેડા અને અમેરિકા વચ્ચે ચાલી રહેલા તણાવ વચ્ચે ટ્રમ્પના આ નિર્ણયે આગમાં ઘી હોમવાનું કામ કર્યુ છે. કેનેડાના વડા પ્રધાન જસ્ટિન ટ્રુડો અને આલ્બર્ટા પ્રાંતના મુખ્ય પ્રધાન ડેનિયલ સ્મિથ ટ્રમ્પના આ નિર્ણય પર પ્રતિક્રિયા આપવા માટે આક્રમક છે. ઑન્ટેરિયોના મુખ્ય પ્રધાન ડગ ફોર્ડે સ્પષ્ટ કર્યું છે કે વેપાર યુદ્ધની દરેક શક્યતા છે. ત્રણેય નેતાઓ દાવો કરી રહ્યા છે કે કેનેડા પાસે શક્તિ અને આવશ્યક ખનિજોનો ભંડાર છે. જો ટ્રમ્પે અમેરિકન અર્થવ્યવસ્થાને ‘બૂમિંગ’ બનાવવાનું તેમનું વચન પૂરું કરવું હોય, તો તેમને આપણી જરૂર છે.
ટ્રેડ વોરની જાહેરાત
શપથ લેતા પહેલા જ ટ્રમ્પે કેનેડા અને ટ્રુડો વિશે ઘણી ટિપ્પણીઓ કરી છે. તેમના ટેરિફની જાહેરાત પર, ઑન્ટારિયોના મુખ્ય પ્રધાન ડગ ફોર્ડે કહ્યું કે કેનેડા અને યુએસ વચ્ચે ચોક્કસપણે ટ્રેડ વોર શરૂ થશે. જો બંને દેશો વચ્ચે વેપાર યુદ્ધ શરૂ થશે તો તે બંને દેશોની અર્થવ્યવસ્થા માટે સારું નહીં રહે અને તેનો સીધો ફાયદો ચીનને થશે. ટ્રમ્પ ભલે વિચારતા હોય કે તેમના ટેરિફ લાગુ કરવાથી અમેરિકાને કોઈ નુકસાન નહીં થાય, પરંતુ એવું નથી.
અમેરિકા કેનેડા અને મેક્સિકોમાંથી મોટા પાયે માલસામાનની આયાત કરે છે. બંને દેશો વચ્ચેના સંબંધો બગડવાથી અમેરિકા માટે પ્રતિકૂળ બની શકે છે.
અમેરિકા કેનેડામાંથી શું આયાત કરે છે?
કેનેડાથી અમેરિકા મશીનરી અને પરિવહન, ખનિજ ઇંધણ અને લુબ્રિકન્ટ્સ, ઉત્પાદિત માલ, વિવિધ ઉત્પાદિત માલ, ખોરાક અને જીવંત પ્રાણીઓ ), રસાયણો, અન્ય માલસામાન, કાચો માલ અને પીણાં અને તમાકુ.
