બિહારના બેતિયા જિલ્લામાં શિક્ષણ વિભાગના એક અધિકારીના ઘરેથી મોટી માત્રામાં રોકડ રકમ મળી આવી છે. બેતિયા જિલ્લા શિક્ષણ અધિકારીના ઘરે તપાસ હાથ ધરતા આ મોટી રકમ મળી આવી હતી. જિલ્લા શિક્ષણ અધિકારી (DEO) રજનીકાંત પ્રવીણના નિવાસસ્થાને વિજિલન્સ વિભાગના દરોડા પાડવામાં આવ્યા હતા. પટનાની વિજિલન્સ ટીમ સવારથી જ ડીઈઓની પૂછપરછ કરી રહી છે. તપાસ દરમિયાન અત્યાર સુધીમાં મોટી રકમ રોકડ મળી આવી છે. નોટો ગણવા માટે એક મશીન મંગાવવામાં આવ્યું છે.
નોટો ગણવાનું મંગાવ્યુ મશીન
બેતિયાના મુફસ્સિલ પોલીસ સ્ટેશન વિસ્તારમાં સ્થિત બસંત બિહાર કોલોનીમાં જિલ્લા શિક્ષણ અધિકારીના ઘરે આ કાર્યવાહી કરવામાં આવી રહી છે. ડીઈઓ રજનીકાંત પ્રવીણ છેલ્લા ત્રણ વર્ષથી બેતિયામાં પોસ્ટેડ છે. વિજિલન્સ ટીમ ઘણા કલાકોથી તેમના ઘરે હાજર છે અને તેમની પૂછપરછ કરવામાં આવી રહી છે.
સૂત્રોના જણાવ્યા અનુસાર ઘરમાંથી અત્યાર સુધીમાં મોટી રકમ રોકડ મળી આવી છે. પરિસ્થિતિ એવી હતી કે નોટ ગણવા માટે મશીન મંગાવવું પડ્યું. ઘટનાસ્થળે પોલીસ દળ પણ તૈનાત કરવામાં આવ્યું છે. વિજિલન્સ ટીમે ડીઈઓના અન્ય સ્થળોએ પણ દરોડા પાડ્યા છે.
કેમ પાડ્યા દરોડા ?
સૂત્રોના જણાવ્યા અનુસાર જિલ્લા શિક્ષણ અધિકારી સામે ભ્રષ્ટાચારના ગંભીર આરોપો છે. જેને લઇને દરોડા પાડવામાં આવ્યા છે. એવું પણ કહેવામાં આવી રહ્યું છે કે DEO વિરુદ્ધ નાણાકીય અનિયમિતતાઓ અને ગેરકાયદેસર મિલકત અંગે ફરિયાદો નોંધાઈ હતી. હાલમાં વિજિલન્સ ટીમ કાર્યવાહીમાં વ્યસ્ત છે અને કેસ વિશે વિગતવાર માહિતીની રાહ જોવાઈ રહી છે.
3 વર્ષથી DEO તરીકે પોસ્ટેડ
મળતી માહિતી મુજબ શિક્ષણ અધિકારી રજનીકાંત પ્રવીણના નિવાસસ્થાનેથી વિજિલન્સ ટીમે સ્થાનિક પોલીસ પાસેથી નોટ ગણવાનું મશીન મંગાવ્યું છે. સવારથી જ DEOના ઘરે વિજિલન્સ દરોડા ચાલુ છે. બેતિયા જિલ્લા શિક્ષણ અધિકારી પર ગેરકાયદેસર રીતે મિલકત હસ્તગત કરવાનો આરોપ છે, આ કેસમાં વિજિલન્સ ટીમે દરોડો પાડ્યો છે. જિલ્લા શિક્ષણાધિકારી રજનીકાંત પ્રવીણ લગભગ 3 વર્ષથી જિલ્લામાં DEO તરીકે ફરજ બજાવી રહ્યા છે.
કરોડો રૂપિયા રોકડા મળી આવ્યા
રજનીકાંત પ્રવીણ મુફસ્સિલ પોલીસ સ્ટેશન વિસ્તાર હેઠળના બસંત બિહાર વિસ્તારમાં ભાડાના મકાનમાં રહે છે, જ્યાં દરોડા પાડવામાં આવી રહ્યા છે. ઉપરાં ટીમ ઘણા કલાકોથી તેમના ઘરે પૂછપરછ કરી રહી છે. કહેવામાં આવી રહ્યું છે કે કરોડોની રોકડ રકમ મળી આવી છે. ઘરની અંદર પોલીસ બંદોબસ્ત ગોઠવવામાં આવ્યો છે. પ્રાપ્ત માહિતી અનુસાર પોલીસ અને વિજિલન્સ ટીમ શિક્ષણ અધિકારી રજનીકાંત પ્રવીણના અનેક સ્થળોએ દરોડા પાડી રહી છે. બેતિયા સિવાય અન્ય સ્થળોએ કરવામાં આવેલા દરોડામાં શું મળ્યું છે તેની માહિતી હજુ સુધી જાહેર કરવામાં આવી નથી.
