અમેરિકાના રાષ્ટ્રપતિએ ઈરાન પર આર્થિક દબાણ લાવવાના એક્ઝિક્યુટિવ ઓર્ડર પર હસ્તાક્ષર કર્યા છે. ડોનાલ્ડ ટ્રમ્પે કહ્યું કે જો ઈરાન મને મારવાનો પ્રયાસ કરશે તો તેનો વિનાશ કરવામાં આવશે. તેમાં કઇપણ બાકી નહી રહે. ટ્રંપે અધિકારીઓને સૂચના આપી છે કે જો આવું થશે, તો ઈરાન સંપૂર્ણપણે નાશ પામશે. ટ્રંપની આ સ્પષ્ટ ધમકીથી હલચલ જોવા મળી રહી છે.
ડોનાલ્ડ ટ્રમ્પ-નેતન્યાહૂની મુલાકાત
વ્હાઇટ હાઉસ ખાતે અમેરિકાના રાષ્ટ્રપતિ ડોનાલ્ડ ટ્રમ્પે ઇઝરાયલના વડા પ્રધાન બેન્જામિન નેતન્યાહૂ સાથે મુલાકાત કરી હતી. આ દરમિયાન ટ્રમ્પે ગાઝા અંગેના પોતાના બ્લુપ્રિન્ટ વિશે પણ વાત કરી હતી. આ સાથે તેમણે ઈરાનને સ્પષ્ટ ચેતવણી પણ આપી હતી. ટ્રમ્પે ઈરાનને ખુલ્લી ધમકી આપતા કહ્યું કે જો તેહરાન તેમને મારવાનો પ્રયાસ કરશે તો તેણે પરિણામો ભોગવવા તૈયાર રહેવું જોઈએ. અમેરિકાના રાષ્ટ્રપતિએ ઈરાન પર આર્થિક દબાણ લાવવાના એક્ઝિક્યુટિવ ઓર્ડર પર હસ્તાક્ષર કર્યા. ટ્રમ્પે કહ્યું કે જો ઈરાન મને મારવાનો પ્રયાસ કરશે તો તેઓ નાશ પામશે. કંઈ બાકી રહેશે નહીં. મેં અધિકારીઓને સૂચના આપી છે કે જો આવું થશે, તો ઈરાન સંપૂર્ણપણે નાશ પામશે. તમને જણાવી દઈએ કે જો ટ્રમ્પની હત્યા થાય છે, તો આવી સ્થિતિમાં ઉપરાષ્ટ્રપતિ જેડી વાન્સ રાષ્ટ્રપતિ બનશે. એ વાત જાણીતી છે કે અમેરિકન સરકાર રાષ્ટ્રપતિ ટ્રમ્પ અને અન્ય વરિષ્ઠ અધિકારીઓ માટે ઈરાન તરફથી સંભવિત ખતરા પર નજર રાખી રહી છે.
5-પોઇન્ટ બ્લુપ્રિન્ટમાં ઈરાનનો સમાવેશ
ગાઝા અંગે અમેરિકન રાષ્ટ્રપતિના 5-પોઇન્ટ બ્લુપ્રિન્ટમાં ઈરાનનો પણ સમાવેશ થાય છે. ટ્રમ્પે ઈરાનની કમર તોડવા માટે એક એક્ઝિક્યુટિવ ઓર્ડર પર પણ હસ્તાક્ષર કર્યા છે. જેમાં અમેરિકન સરકારને ઈરાન પર મહત્તમ દબાણ લાવવાનું કહેવામાં આવ્યું છે. તમને જણાવી દઈએ કે યુએસ રાષ્ટ્રપતિ ટ્રમ્પને મળ્યા બાદ ઇઝરાયલી પીએમ નેતન્યાહૂએ કહ્યું હતું કે ઇઝરાયલ પહેલા ક્યારેય આટલું શક્તિશાળી ન હોતું. જ્યારે ઈરાન ક્યારેય આટલું નબળું ન હોતું. મેં રાષ્ટ્રપતિ ટ્રમ્પ સાથે આપણા પ્રદેશમાં શાંતિ લાવવા અને આપણા ભવિષ્યને બચાવવા વિશે ચર્ચા કરી. ગાઝામાં ઇઝરાયલના ત્રણ ઉદ્દેશ્યો છે: પહેલું, હમાસનો સંપૂર્ણ નાશ કરવો. બીજું, આપણે આપણા બધા બંધકોને મુક્ત કરાવવાની ખાતરી કરવી પડશે અને ત્રીજું, ગાઝા ફરી ક્યારેય ઇઝરાયલ માટે ખતરો ન બનવો જોઈએ.
ટ્રમ્પ પર બે વખત હત્યાના પ્રયાસો થયા
અમેરિકાના રાષ્ટ્રપતિ પદની ચૂંટણી પ્રચાર દરમિયાન પેન્સિલવેનિયામાં એક રેલીમાં ડોનાલ્ડ ટ્રમ્પ પર હુમલો થયો હતો. આ હુમલામાં તે માંડ માંડ બચી ગયો. ચૂંટણી રેલી દરમિયાન તેમના પર ગોળીબાર કરવામાં આવ્યો હતો; એક ગોળી તેમના કાનને વીંધી ગઈ હતી. આ ઘટનાના લગભગ 64 દિવસ પછી, ફરી એકવાર તેમને મારી નાખવાનો પ્રયાસ કરવામાં આવ્યો. તે સમયે, ટ્રમ્પ ફ્લોરિડાના પામ બીચ કાઉન્ટીના ઇન્ટરનેશનલ ગોલ્ફ ક્લબમાં હાજર હતા. આ હુમલા પછી ઈરાન પર આરોપો લગાવા લાગ્યા.
