દક્ષિણ આફ્રિકાના અનુભવી ક્રિકેટર જેપી ડુમિનીએ છૂટાછેડા લીધા છે. ડુમિનીએ ઈન્સ્ટાગ્રામ પર એક પોસ્ટ શેર કરીને આ માહિતી આપી. ડુમિની અને તેની પત્ની સુ વચ્ચે ઘણા સમયથી સંબંધો સારા ન હતા.
લગભગ 14 વર્ષના લગ્નજીવન પછી ડુમિની અને તેની પત્ની સુ હવે અલગ થઈ ગયા છે. ડુમિનીની ક્રિકેટ કારકિર્દી શાનદાર રહી છે. તે ઈન્ડિયન પ્રીમિયર લીગમાં ઘણી ટીમો માટે રમી ચૂક્યો છે.
સોશિયલ મીડિયા પર આપી જાણકારી
દક્ષિણ આફ્રિકાના ખેલાડી ડુમિનીએ સોમવારે ઈન્સ્ટાગ્રામ પર એક પોસ્ટ શેર કરી અને તેના ફેન્સને આશ્ચર્યજનક સમાચાર આપ્યા. ડુમિનીએ કહ્યું કે તે છૂટાછેડા લઈ ચૂક્યો છે. તેને લખ્યું છે કે, “ઘણા વિચાર કર્યા પછી, સુ અને મેં અલગ થવાનો નિર્ણય લીધો છે.” અમે બંને ભાગ્યશાળી છીએ કે લગ્ન પછી અમારી પાસે ઘણી સુંદર યાદો છે. અમને બે સુંદર દીકરીઓના આશીર્વાદ પણ મળ્યા છે. અમે આ સમયે પ્રાઈવસીની વિનંતી કરીએ છીએ.
ડુમિની પહેલા આ ક્રિકેટરોના થઈ ચૂક્યા છે છૂટાછેડા
ક્રિકેટ જગતના ઘણા મહાન ખેલાડીઓએ છૂટાછેડા લીધા છે. ટીમ ઈન્ડિયાના ઓલરાઉન્ડર હાર્દિક પંડ્યાના ગયા વર્ષે છૂટાછેડા થયા હતા. તેની પત્ની નતાશા સ્ટેનકોવિક હવે અલગ રહે છે. યુઝવેન્દ્ર ચહલ અને ધનશ્રી વર્માના છૂટાછેડાના સમાચાર પણ આવ્યા. પરંતુ બંનેએ હજુ સુધી આ બાબતે કોઈ પ્રતિક્રિયા આપી નથી. ફાસ્ટ બોલર મોહમ્મદ શમી અને શિખર ધવનના પણ છૂટાછેડા થઈ ગયા છે.
IPLમાં ઘણી ટીમો માટે રમી ચૂક્યો છે ડુમિની
જેપી ડુમિનીની ક્રિકેટ કારકિર્દી શાનદાર રહી છે. તેને દક્ષિણ આફ્રિકા માટે 199 વનડે મેચ રમી છે. આ સમયગાળા દરમિયાન તેને 5117 રન બનાવ્યા છે. ડુમિનીએ આ ફોર્મેટમાં 4 સદી અને 27 અડધી સદી ફટકારી છે. તેને આ ફોર્મેટમાં 69 વિકેટ પણ લીધી છે. ડુમિની આઈપીએલમાં ઘણી ટીમો માટે રમી ચૂક્યો છે. તેને આ ટુર્નામેન્ટની 83 મેચોમાં 2029 રન બનાવ્યા છે. આ સમયગાળા દરમિયાન, 23 વિકેટ લેવામાં આવી છે.
