ભારત અને પાકિસ્તાન વચ્ચેની મેચ 23 ફેબ્રુઆરીએ રમાઈ હતી. આ મેચમાં ભારતીય ટીમે શાનદાર રમત બતાવી અને પાકિસ્તાનને 6 વિકેટથી હરાવ્યું. ભારત પાકિસ્તાન મેચ પછી આઈઆઈટીયન બાબા (અભય સિંહ) સોશિયલ મીડિયા પર ખૂબ જ ટ્રોલ થયા. તેને મેચ પહેલા એક મોટી ભવિષ્યવાણી કરી હતી.
IITian બાબાને કેમ ટ્રોલ કરવામાં આવ્યા?
ભારતે પાકિસ્તાનને 6 વિકેટે હરાવ્યું. આ મેચ પહેલા આઈઆઈટીયન બાબાએ એક મોટી ભવિષ્યવાણી કરી હતી. તેમને કહ્યું હતું કે પાકિસ્તાન સામેની મેચમાં ભારતને હારનો સામનો કરવો પડશે. ભારતીય ટીમ કોઈપણ સંજોગોમાં મેચ હારી જશે. આ સિવાય બાબાએ વિરાટ કોહલી વિશે એમ પણ કહ્યું હતું કે તે પાકિસ્તાન સામેની મેચમાં ફ્લોપ રહેશે.
પરંતુ ભારત-પાકિસ્તાન મેચમાં બાબાની ભવિષ્યવાણી ખોટી પડી. ભારતે આ મેચ પણ જીતી હતી અને વિરાટ કોહલીએ પણ આ મેચમાં એક શક્તિશાળી સદી ફટકારી હતી. હવે ભારતીય ટીમની જીત બાદ બાબાને ખૂબ જ ટ્રોલ કરવામાં આવી રહ્યા છે.
આ હતી મેચની સ્થિતિ
આ મેચમાં પ્રથમ બેટિંગ કરતા પાકિસ્તાને 241 રન બનાવ્યા હતા. પાકિસ્તાન તરફથી સૌથી વધુ રન સઉદ શકીલે બનાવ્યા. તેને 62 રનની ઈનિંગ રમી. લક્ષ્યનો પીછો કરતી વખતે, ભારતે ફક્ત 42.3 ઓવરમાં મેચ જીતી લીધી. કિંગ કોહલીએ 111 બોલમાં 100 રનની અણનમ ઈનિંગ રમી. તેમના સિવાય શ્રેયસ ઐયરે 56 રન બનાવ્યા.
IIT બાબાનું સાચું નામ અભય સિંહ છે. અભય સિંહ એક સમયે IIT બોમ્બેમાંથી ડિગ્રી સાથે એરોસ્પેસ એન્જિનિયર હતા. કેનેડામાં તેમની પાસે ઊંચા પગારની નોકરી હતી, પરંતુ તેમને પોતાની કારકિર્દી છોડીને આધ્યાત્મિકતાના માર્ગ પર ચાલવાનું નક્કી કર્યું. તેમની આ યાત્રાએ તેમને વાયરલ ઈન્ટરનેટ સેન્સેશન બનાવ્યા. હાલમાં તેઓ મહા કુંભ મેળામાં જોવા મળ્યા હતા.
