બોલીવુડ એક્ટ્રેસ અનુષ્કા શર્મા તાજેતરના ભૂતકાળમાં ફિલ્મોમાં ઓછી જોવા મળી છે પરંતુ એક્ટ્રેસ ક્રિકેટના મેદાન પર એક્ટિવ છે. ઘણા ખાસ પ્રસંગોએ, તે તેના પતિ વિરાટ કોહલીને ચીયર કરવા માટે સ્ટેડિયમમાં જોવા મળી છે. અનુષ્કા શર્મા ભારત અને ન્યુઝીલેન્ડ વચ્ચેની ચેમ્પિયન્સ ટ્રોફીની ફાઈનલમાં તેના પતિ વિરાટ કોહલીને ચીયર કરવા માટે સ્ટેડિયમ પહોંચી છે.
વિરાટ અને અનુષ્કા વચ્ચે ઈશારામાં થઈ વાતચીત
ટીમનું મનોબળ વધારવા માટે તેણે બ્લૂ ડેનિમ કલરનો આઉટફિટ પહેર્યો છે. આ દરમિયાન, મેચ શરૂ થાય તે પહેલાં તેની અને વિરાટ વચ્ચે વાતચીત થઈ. તેનો વીડિયો સોશિયલ મીડિયા પર પણ વાયરલ થઈ રહ્યો છે જેમાં કપલ મેચ પહેલા એકબીજાને ઈશારા કરતા જોવા મળે છે.
વિરાટ અને અનુષ્કા માત્ર ક્રિકેટમાં જ નહીં પરંતુ ગ્લેમરની દુનિયામાં પણ સૌથી પોપ્યુલર પાવર કપલમાં એક છે. જ્યારે બંને સાથે હોય છે, ત્યારે તેઓ બધી જ લાઈમલાઈટ મેળવે છે. ભારત અને ન્યુઝીલેન્ડ વચ્ચે દુબઈમાં રમાઈ રહેલી ચેમ્પિયન્સ ટ્રોફીની ફાઈનલ મેચ દરમિયાન પણ આ બંનેએ લાઈમલાઈટ મેળવી.
અનુષ્કા વિરાટનો વાયરલ થયો વીડિયો
મેચ શરૂ થાય તે પહેલા સોશિયલ મીડિયા પર એક વીડિયો સામે આવ્યો છે. આમાં, વિરાટ કોહલી મેદાનમાંથી પેવેલિયનમાં બેઠેલી અનુષ્કા શર્મા તરફ ઈશારો કરે છે અને હાથ લહેરાવે છે. અનુષ્કા પણ તેની સામે હસતી અને વિરાટ તરફ હાથ લહેરાવતી જોવા મળે છે. બંનેનો આ વીડિયો સોશિયલ મીડિયા પર વાયરલ થઈ રહ્યો છે. ફેન્સે પણ આના પર પ્રતિક્રિયા આપી રહ્યા છે.
ભારતે ન્યુઝીલેન્ડ સામે કર્યું સારું પ્રદર્શન
ભારતીય ટીમની વાત કરીએ તો, આ ચેમ્પિયન્સ ટ્રોફીમાં ભારતને કોઈ પણ મેચમાં હારનો સામનો કરવો પડ્યો નથી. અંતિમ મેચમાં પણ, ભારતે ન્યુઝીલેન્ડ સામે સારું પ્રદર્શન કર્યું છે. આખો દેશ ભારતની જીત માટે પ્રાર્થના કરી રહ્યો છે. ન્યુઝીલેન્ડે પ્રથમ ઈનિંગમાં 251 રન બનાવ્યા છે અને ભારતને જીતવા માટે 252 રનની જરૂર છે. થોડા જ કલાકોમાં ક્રિકેટ જગતને નવો ચેમ્પિયન મળશે.
