ધનશ્રી વર્મા ફરી એકવાર સોશિયલ મીડિયા પર તેની એક ક્રિપ્ટિક પોસ્ટને કારણે ચર્ચામાં છે, જેના કારણે ભારતીય ક્રિકેટર યુઝવેન્દ્ર ચહલ સાથેના તેના છૂટાછેડાની ચર્ચાઓ ફરી એકવાર તેજ થઈ ગઈ છે. તાજેતરમાં, ચહલ દુબઈમાં ભારત વિરુદ્ધ ન્યુઝીલેન્ડ ચેમ્પિયન્સ ટ્રોફીની ફાઈનલમાં આરજે માહવાશ સાથે જોવા મળ્યો હતો.
ચહલને માહવાશ સાથે જોયા પછી, સોશિયલ મીડિયા પર બંનેના ડેટિંગની ચર્ચાઓ ફેલાઈ ગઈ. વાયરલ થયેલા ફોટા અને વીડિયોમાં, બંને હસતા અને ભારતની જીતની ઉજવણી કરતા જોવા મળ્યા હતા. માહવાશે ચહલ સાથે ઘણી તસવીરો પણ શેર કરી અને સાથે મળીને ભારતની જીતની ઉજવણી કરી. ચહલ અને માહવાશની તસવીરો પછી હવે ધનશ્રીની પોસ્ટ વધુને વધુ વાયરલ થઈ રહી છે.
ધનશ્રી વર્મા દ્વારા પોસ્ટ
ધનશ્રીએ ઈન્સ્ટાગ્રામ પર એક પોસ્ટ શેર કરી છે, જેમાં તેને કોઈનું નામ લીધું નથી, પરંતુ મહિલાઓ વિશે કંઈક એવું કહ્યું છે જેને યુઝવેન્દ્ર ચહલ અને આરજે માહવાશ સાથે જોડવામાં આવી રહ્યું છે. ધનશ્રીએ પોતાની ઈન્સ્ટાગ્રામ સ્ટોરી પર શેર કરેલી પોસ્ટમાં લખ્યું છે કે ‘મહિલાઓને દોષ આપવી હંમેશા ફેશનમાં રહી છે.’ ધનશ્રીની આ પોસ્ટે તરત જ સોશિયલ મીડિયા પર ધૂમ મચાવી દીધી.
દુબઈ સ્ટેડિયમમાં માહવાશ અને યુઝવેન્દ્ર સાથે મળ્યા જોવા
ઘણા લોકોએ આ વાતને ચહલ અને માહવાશ વિશે વધતી ચર્ચા સાથે જોડી. ક્રિકેટર અને રેડિયો જોકીના વાયરલ ફોટા પછી તરત જ તેમના નિવેદનથી વધુ અટકળોને વેગ મળ્યો છે. છેલ્લા કેટલાક મહિનાઓથી ચહલની પર્સનલ લાઈફ સતત ચર્ચામાં છે. અને જ્યારે ક્રિકેટર તાજેતરમાં દુબઈ સ્ટેડિયમમાં માહવાશ સાથે જોવા મળ્યો, ત્યારે બંનેના ડેટિંગની ચર્ચાઓ વધુ તીવ્ર બની ગઈ. ખાસ કરીને ચહલ અને ધનશ્રીના છૂટાછેડાની ચર્ચાઓ પછી તેજ બની.
આરજે માહવાશે કરી પોસ્ટ
ટીમ ઈન્ડિયાની જીત બાદ, માહવાશે મેચની ઘણી તસવીરો શેર કરી, જેમાં તે ચહલ સાથે ઉજવણી કરતી જોવા મળી. આ તસવીરોએ અટકળોને વધુ વેગ આપ્યો. તેમાં એક વીડિયો પણ હતો જેમાં તે અને ચહલ એકસાથે જોવા મળ્યા હતા. તેણે પોતાની પોસ્ટના કેપ્શનમાં લખ્યું છે કે “મેં તમને કહ્યું હતું કે હું જીત સાથે પાછી ફરીશ. ટીમ ઈન્ડિયા માટે શુભકામનાઓ!” આ પહેલી વાર નથી જ્યારે ચહલ અને માહવાશના નામ એકબીજા સાથે જોડાયા હોય. જાન્યુઆરીમાં, તેમના ક્રિસમસ સેલિબ્રેશનનો એક ફોટો ઓનલાઈન સામે આવ્યો, જેનાથી ડેટિંગની ચર્ચાઓ ફેલાઈ.
