ભારતીય ટીમે ઓસ્ટ્રેલિયા પ્રવાસ પર પાંચ મેચની ટેસ્ટ સિરીઝ રમી હતી. ટીમ ઈન્ડિયાએ પહેલી ટેસ્ટ મેચ જીતી લીધી હતી. આ પછી, ટીમને 3 મેચમાં હારનો સામનો કરવો પડ્યો હતો, જ્યારે એક મેચ ડ્રો રહી હતી.
ભારતીય ટીમના ખરાબ પ્રદર્શન બાદ BCCI એ કેટલીક માર્ગદર્શિકા જાહેર કરી હતી. પરંતુ હાલમાં મીડિયા રિપોર્ટ મુજબ, બીસીસીઆઈ પોતાના નિર્ણયને પાછો હટાવી શકે છે.
BCCI પોતાનો નિર્ણય બદલશે?
મીડિયા સાથે વાત કરતા, એક સૂત્રએ જણાવ્યું હતું કે જો ખેલાડીઓ તેમના પરિવાર અને નજીકના લોકોને લાંબા સમય સુધી પ્રવાસ પર રાખવા માંગતા હોય તો ભારતીય ક્રિકેટ કંટ્રોલ બોર્ડ (BCCI) તેના નિયમોમાં ફેરફાર કરવાનું વિચારી શકે છે. પરંતુ આમ કરતા પહેલા ખેલાડીઓને બોર્ડની પરવાનગીની જરૂર પડશે. જો ખેલાડીઓ ઈચ્છતા હોય કે તેમના પરિવારો પ્રવાસ પર વધુ સમય રોકાય, તો તેઓ પરવાનગી માટે અરજી કરી શકે છે. બીસીસીઆઈ પોતાના વિવેકબુદ્ધિ મુજબ નિર્ણય લેશે.
તમને જણાવી દઈએ કે ઓસ્ટ્રેલિયા પ્રવાસ પછી, BCCI એ ખેલાડીઓને તેમના પરિવાર સાથે મુસાફરી કરવા પર પ્રતિબંધ મૂકતો જાહેરનામું બહાર પાડ્યું હતું. જે બાદ વિરાટ કોહલી અને કપિલ દેવે બોર્ડના આ નિર્ણય સામે અવાજ ઉઠાવ્યો હતો.
વિરાટ કોહલીએ ઉઠાવ્યો અવાજ
પરિવારને સાથે ન લેવાના નિર્ણય પર વિરાટ કોહલીએ અવાજ ઉઠાવ્યો હતો. તેને કહ્યું હતું કે જો તમે કોઈ ખેલાડીને પૂછો કે શું તે ઇચ્છે છે કે તેનો પરિવાર હંમેશા તેની આસપાસ રહે? તો તમે કહેશો, હા. હું મારા રૂમમાં જઈને એકલા બેસીને ઉદાસ રહેવા માંગતો નથી. હું સામાન્ય રહેવા માંગુ છું અને પછી તમે ખરેખર તમારી રમતને જવાબદારી તરીકે લઈ શકો છો. તમે તે જવાબદારી પૂર્ણ કરો છો અને તમે પાછા જીવનમાં આવો છો.
આ સિવાય કપિલ દેવે પણ BCCIના નિર્ણય પર સવાલ ઉઠાવ્યા હતા અને કહ્યું હતું કે મને લાગે છે કે આ ક્રિકેટ બોર્ડનો નિર્ણય છે. મારું માનવું છે કે હા, તમને પરિવારની જરૂર છે, પણ હા, તમારે હંમેશા એક ટીમની પણ જરૂર છે. અમારા સમયમાં, અમે પોતાને કહેતા હતા કે ક્રિકેટ બોર્ડે મને પહેલા હાફમાં ક્રિકેટ રમવાની મંજૂરી ન આપવી જોઈએ.
