રોહિત શર્મા ઈન્ડિયન પ્રીમિયર લીગના ઈતિહાસમાં સૌથી વધુ વખત ‘0’ ના સ્કોર પર આઉટ થવાના સંદર્ભમાં ટોપ પર આવી ગયો છે. ચેન્નાઈ સુપર કિંગ્સ સામેની મેચમાં ખલીલ અહેમદની બોલિંગમાં શિવમ દુબેના હાથે તેનો કેચ થયો.
આઈપીએલના ઈતિહાસમાં આ 18મી વખત છે, જ્યારે રોહિત શર્મા શૂન્યના સ્કોર પર આઉટ થયો છે. હવે તેને IPLમાં સૌથી વધુ વખત શૂન્ય પર આઉટ થવાના મામલામાં દિનેશ કાર્તિક અને ગ્લેન મેક્સવેલની બરાબરી કરી લીધી છે.
ચેન્નાઈ સુપર કિંગ્સ સામેની મેચમાં રોહિત 0 રન બનાવીને આઉટ થયો. તે રાજસ્થાન રોયલ્સ અને રોયલ ચેલેન્જર્સ બેંગ્લોર સામે ચાર વખત ખાતું ખોલવામાં નિષ્ફળ રહ્યો. તમને જણાવી દઈએ કે દિનેશ કાર્તિક, ગ્લેન મેક્સવેલ અને રોહિત શર્મા હવે પોતપોતાના IPL કરિયરમાં 18 વખત શૂન્યના સ્કોર પર આઉટ થયો છે.
રોહિત શર્માએ દિનેશ કાર્તિક અને ગ્લેન મેક્સવેલની કરી બરાબરી
- રોહિત શર્મા – 18 ડક
- દિનેશ કાર્તિક – 18 ડક
- ગ્લેન મેક્સવેલ – 18 ડક
- પિયુષ ચાવલા – 16 ડક્સ
- સુનીલ નારાયણ – 16 ડક્સ
રોહિત શર્મા 7,000 રન પૂરા કરવાની નજીક
રોહિત શર્મા તેની આઈપીએલ કારકિર્દીમાં 7,000 રન બનાવવાની ખૂબ નજીક છે. તેને અત્યાર સુધીમાં તેની કારકિર્દીમાં 6,628 રન બનાવ્યા છે અને 7,000 રનનો આંકડો સ્પર્શ કરવા માટે તેને 372 રનની જરૂર છે. જો તે આવું કરશે, તો રોહિત આવું કરનાર બીજો ખેલાડી બનશે. અત્યાર સુધી આવું કરનાર એકમાત્ર ખેલાડી વિરાટ કોહલી છે, જેને અત્યાર સુધી પોતાની કારકિર્દીમાં 8,063 રન બનાવ્યા છે.
તમને જણાવી દઈએ કે IPL 2024ની સીઝન રોહિત શર્મા માટે ખૂબ સારી રહી. તેને 14 મેચમાં 417 રન બનાવ્યા. તમને જણાવી દઈએ કે રોહિતે 2013 સીઝન પછી ક્યારેય એક પણ આઈપીએલ સીઝનમાં 500 થી વધુ રન બનાવ્યા નથી.
