IPL 2025ની 6 નંબરની મેચ રાજસ્થાન રોયલ્સ અને કોલકાતા નાઈટ રાઈડર્સ વચ્ચે રમાઈ રહી છે. આ મેચમાં રાજસ્થાન પ્રથમ બેટિંગ કરી રહ્યું છે. કોલકાતાએ ટોસ જીતીને પહેલા બોલિંગ કરવાનો નિર્ણય લીધો. અપેક્ષા મુજબ, સંજુ સારું પ્રદર્શન કરી શક્યો નહીં અને ક્લીન બોલ્ડ થયો.
સંજુનું નિરાશાજનક પ્રદર્શન
3.5મી ઓવરમાં, સંજુ સેમસને KKRના ઝડપી બોલર વૈભવ અરોરાને મોટો શોટ રમવાનો પ્રયાસ કર્યો. પરંતુ તે ક્લીન બોલ્ડ થયો. સંજુએ વૈભવ અરોરાના બોલ પર આગળ વધીને મોટો શોટ રમવાનો પ્રયાસ કર્યો. પણ આ સમય દરમિયાન તેને એક મોટી ભૂલ કરી. સંજુ ઓવરપિચ્ડ બોલ પર આગળ વધ્યો, જેના કારણે ઓવરપિચ્ડ બોલ યોર્કરમાં ફેરવાઈ ગયો અને તે ક્લીન બોલ્ડ થયો. આ મેચમાં સંજુ સારા ફોર્મમાં દેખાતો નહોતો. તેને 11 બોલમાં 13 રનની ઈનિંગ રમી.
આ ખેલાડીઓનું પણ નિરાશાજનક પ્રદર્શન
રાજસ્થાનના ટોપ ક્રમના બેટ્સમેનોએ નિરાશ કર્યા. યશસ્વી જયસ્વાલે 24 બોલમાં 29 રન બનાવ્યા અને મોઈન અલીનો શિકાર બન્યો. આ સિવાય રિયાન પરાગ પણ મોટી ઈનિંગ્સ રમી શક્યો નહીં. તે 15 બોલમાં 25 રન બનાવીને આઉટ થયો. આ સિવાય ચોથા નંબરે બેટિંગ કરવા આવેલા નીતિશ રાણાએ 9 બોલમાં 8 રન બનાવ્યા. આ મેચમાં રાજસ્થાનના ટોપના 4 બેટ્સમેન કંઈ ખાસ કરી શક્યા નહીં.
તમને જણાવી દઈએ કે સુનીલ નારાયણ આ મેચમાં KKR તરફથી રમી રહ્યો નથી. તે ફિટ નથી. તેની જગ્યાએ મોઈન અલીને તક મળી છે. મોઈન KKR માટે પોતાની ડેબ્યૂ મેચ રમી રહ્યો છે. તેને જયસ્વાલને પણ પોતાનો શિકાર બનાવ્યો.
સંજુ ખરાબ રીતે ફ્લોપ
આ મેચમાં સંજુ ખરાબ રીતે ફ્લોપ રહ્યો, પરંતુ પહેલી મેચમાં તેના બેટે સારું પ્રદર્શન કર્યું હતું. હૈદરાબાદ સામેની પહેલી મેચમાં સંજુએ અડધી સદી ફટકારી. તેને 37 બોલમાં 66 રન બનાવ્યા, જેમાં 7 ચોગ્ગા અને 4 છગ્ગાનો સમાવેશ થાય છે. આ મેચમાં રાજસ્થાન 287 રનના લક્ષ્યનો પીછો કરી રહ્યું હતું.
