IPL 2024 ની 18મી સીઝનમાં, ચેન્નાઈ સુપર કિંગ્સને તેની બીજી મેચમાં 50 રનથી હારનો સામનો કરવો પડ્યો. આ મેચ તેમના હોમ ગ્રાઉન્ડ, એમએ ચિદમ્બરમ સ્ટેડિયમ પર રમાઈ હતી, જ્યાં તેઓ 17 વર્ષ પછી રોયલ ચેલેન્જર્સ બેંગ્લોર સામે હારી ગયા.
આ મેચમાં, RCB એ પ્રથમ બેટિંગ કરતા 20 ઓવરમાં 196 રન બનાવ્યા. જવાબમાં, CSK 20 ઓવરમાં 8 વિકેટ ગુમાવીને માત્ર 146 રન બનાવી શક્યું અને મેચ હારી ગયું. આ હાર સાથે, CSKનું નામ IPLની શરમજનક લિસ્ટમાં સામેલ થયું, જેમાં શરૂઆતમાં ફક્ત 6 ટીમોનો સમાવેશ થતો હતો.
CSKનો IPLમાં 100મો પરાજય
IPLના ઈતિહાસમાં સૌથી વધુ મેચ હારનાર ટીમ દિલ્હી કેપિટલ્સ છે, જેને અત્યાર સુધીમાં 135 મેચ હાર્યા છે. હવે ચેન્નાઈ સુપર કિંગ્સ 100 મેચ હારનારી સાતમી ટીમ પણ બની ગઈ છે. CSK એ અત્યાર સુધી IPL માં કુલ 241 મેચ રમી છે, જેમાંથી તેને 139 મેચ જીતી છે અને 100 મેચમાં હારનો સામનો કરવો પડ્યો છે.
RCB સામેની આ હાર IPLના ઈતિહાસમાં રનના માર્જિનથી CSKનો ત્રીજો સૌથી મોટી હાર છે. IPL 2013 માં, મુંબઈ ઈન્ડિયન્સે વાનખેડે સ્ટેડિયમ ખાતે CSK ને 60 રને હરાવ્યું, જે રનના માર્જિનથી તેમનો અત્યાર સુધીનો સૌથી મોટો પરાજય છે.
રેન્ક ટીમ હાર
1 દિલ્હી કેપિટલ્સ 135
2 જાબ કિંગ્સ 134
3 રોયલ ચેલેન્જર્સ બેંગ્લોર 129
4 કોલકાતા નાઈટ રાઈડર્સ 121
5 મુંબઈ ઈન્ડિયન્સ 118
6 રાજસ્થાન રોયલ્સ 109
7 ચેન્નાઈ સુપર કિંગ્સ 100
RCB સામે હાર બાદ CSKનો નેટ રન રેટ બગડ્યો
ચેન્નાઈ સુપર કિંગ્સે મુંબઈ ઈન્ડિયન્સ સામે 4 વિકેટની શાનદાર જીત સાથે IPL 2024 ની શરૂઆત કરી. આ પછી, ફેન્સને આશા હતી કે ચેન્નાઈ RCB સામે પણ સારું પ્રદર્શન કરશે. પરંતુ આ મેચમાં બોલરો કે બેટ્સમેનોએ સારું પ્રદર્શન કર્યું નહીં, જેના કારણે ટીમને હારનો સામનો કરવો પડ્યો. આ હારની અસર CSKના નેટ રન રેટ પર પણ પડી. બે મેચમાં એક જીત અને એક હાર બાદ, તેમનો નેટ રન રેટ હવે -1.013 છે.
