નાસાના અવકાશયાત્રીઓ સુનીતા વિલિયમ્સ અને બુચ વિલ્મોર નવ મહિના અવકાશમાં રહ્યા બાદ તાજેતરમાં પૃથ્વી પર પાછા ફર્યા છે. બંને અવકાશયાત્રીઓનું મિશન માત્ર 8 દિવસનું હતું, પરંતુ કેટલીક ટેકનિકલ ખામીઓને કારણે તેઓ અવકાશમાં ફસાઈ ગયા. જોકે તેને પરત લાવવાના અનેક પ્રયાસો કરવામાં આવ્યા હતા જે નિષ્ફળ રહ્યા હતા. લગભગ 9 મહિના પછી, એલોન મસ્કની કંપની સ્પેસએક્સ તેમને પૃથ્વી પર પરત લાવી.
સુનિતા વિલિયમ્સ અને બૂચ વિલ્મોર પૃથ્વી પર પાછા ફર્યા પછી તેમનો પ્રથમ ઇન્ટરવ્યુ આપે છે. આમાં તેણે પોતાના પડકારો વિશે વાત કરી હતી. વાસ્તવમાં, બોઇંગના સ્પેસક્રાફ્ટમાં ખરાબીના કારણે બંને 286 દિવસ સુધી ઇન્ટરનેશનલ સ્પેસ સ્ટેશન પર ફસાયેલા હતા. બંને અવકાશયાત્રીઓને એલોન મસ્કની કંપની સ્પેસએક્સના કેપ્સ્યુલ દ્વારા સુરક્ષિત રીતે પૃથ્વી પર પાછા લાવવામાં આવ્યા હતા. જો કે, આ મિશન માત્ર 8 દિવસનું હતું. ઈન્ટરવ્યુમાં સવાલ પૂછવામાં આવ્યો હતો કે આ નિષ્ફળતા માટે તેઓ કોને જવાબદાર માને છે? વિલ્મોરે પોતાને અને બીજા બધાને દોષી ઠેરવ્યા. જોકે, તેણે બોઈંગ સ્ટારલાઈનર સાથે ફ્રોડ થયુ હોવાના દાવાને નકારી કાઢ્યો હતો.
બૂચ વિલ્મોરે શું કહ્યું?
મીડિયા સાથેની વાતચીત દરમિયાન બૂચ વિલ્મોરે જણાવ્યું હતું કે, ક્રૂ ફ્લાઇટ ટેસ્ટના કમાન્ડર તરીકે મેં પૂરતા પ્રશ્નો પૂછ્યા ન હતા, તેથી હું દોષિત છું અને હું રાષ્ટ્ર સમક્ષ તેનો સ્વીકાર કરું છું. તેણે કહ્યું કે બીજું કંઈક કરી શકાયું હોત જેથી આટલી લાંબી રાહ જોવી ન પડી હોત. નાસા અને બોઇંગની જવાબદારી અંગે ટિપ્પણી કરતા તેમણે કહ્યું કે, “દરેકનો આમાં હિસ્સો છે કારણ કે આ મિશન યોજના મુજબ ચાલ્યું ન હતું.” પરીક્ષણ અને તૈયારીને લગતી ઘણી સમસ્યાઓ હતી જેની મને જાણ નહોતી.
જ્યારે તેમને પૂછવામાં આવ્યું કે શું તે ફરીથી સ્ટારલાઇનર પર મુસાફરી કરશે, તો બૂચ વિલ્મોરે કહ્યું, “હા, કારણ કે અમે તેને સુધારીશું.” તેનું સમારકામ કરીને તેને કાર્યરત બનાવશું.
