ક્રિકેટ સાઉથ આફ્રિકાએ 2025-26 માટે સેન્ટ્રલ કોન્ટ્રાક્ટ લિસ્ટ જાહેર કર્યું છે. દક્ષિણ આફ્રિકાએ સેન્ટ્રલ કોન્ટ્રાક્ટ લિસ્ટમાં કુલ 18 ખેલાડીઓનો સમાવેશ કર્યો છે. વિસ્ફોટક બેટ્સમેન હેનરિક ક્લાસેનનો આ લિસ્ટમાં સમાવેશ કરવામાં આવ્યો નથી.
ક્રિકેટ સાઉથ આફ્રિકાએ પણ એક નવી પહેલ શરૂ કરી છે. આ કોન્ટ્રાક્ટ લિસ્ટમાં બે ખાસ બાબતો છે. પહેલું એ છે કે રાસી વાન ડેર ડુસેન અને ડેવિડ મિલર હાઈબ્રિડ કોન્ટ્રાક્ટ પર હસ્તાક્ષર કરનારા પ્રથમ ખેલાડીઓ બન્યા છે. આ એક એવું મોડેલ છે જેમાં ખેલાડીઓ ચોક્કસ સિરીઝ અને ICC ટુર્નામેન્ટમાં દેશ માટે રમવા માટે ઉપલબ્ધ હોય છે.
ત્રણ નવા ખેલાડીઓને મળ્યું સ્થાન
બીજી વાત એ છે કે નવા કોન્ટ્રાક્ટ લિસ્ટમાં ત્રણ નવા ખેલાડીઓનો ઉમેરો થયો છે. આ સાથે એન્ડીલ ફેહલુકવાયો અને તબરેઝ શમસી જેવા સિનિયર ખેલાડીઓને પણ સેન્ટ્રલ કોન્ટ્રાક્ટમાંથી બહાર કરવામાં આવ્યા છે. નવો સેન્ટ્રલ કોન્ટ્રાક્ટ 1 જૂન 2025 થી 31 મે 2026 સુધીનો રહેશે.
તમને જણાવી દઈએ કે દક્ષિણ આફ્રિકાએ હેનરિક ક્લાસેનને સેન્ટ્રલ કોન્ટ્રાક્ટમાંથી બાકાત રાખવાનું કારણ આપ્યું નથી. ક્લાસેન સિવાય ઘણા અન્ય ખેલાડીઓ છે જેમને સેન્ટ્રલ કોન્ટ્રાક્ટમાંથી બાકાત રાખવામાં આવ્યા છે. આમાં કોર્બિન બોશ, મેથ્યુ બ્રીત્ઝકે, એન્ડીલ ફેહલુકવાયો અને તબરેઝ શમસી જેવા ખેલાડીઓનો સમાવેશ થાય છે.
આ ખેલાડીઓને મળ્યો કોન્ટ્રાક્ટમાં સ્થાન
ક્રિકેટ સાઉથ આફ્રિકાએ આ 18 ખેલાડીઓને સેન્ટ્રલ કોન્ટ્રાક્ટમાં સામેલ કર્યા છે – ટેમ્બા બાવુમા, ડેવિડ બેડિંગહામ, નાન્દ્રે બર્ગર, ગેરાલ્ડ કોએત્ઝી, ટોની ડી જોર્ઝી, રીઝા હેન્ડ્રીક્સ, માર્કો યાન્સેન, કેશવ મહારાજ, ક્વેના મ્ફાકા, એડેન માર્કરામ, વિઆન મુલ્ડર, સેનુરન મુથુસામી, લુંગી એનગિડી, કગિસો રબાડા, રિયાન રિકલ્ટન, ટ્રિસ્ટન સ્ટબ્સ, કાયલ વેરેન, લિઝાદ વિલિયમ્સ.
હાઈબ્રિડ સેન્ટ્રલ કોન્ટ્રાક્ટ – ડેવિડ મિલર અને રાસી વેન ડેર ડુસેન.
