રોહિત શર્મા પછી, ટીમ ઈન્ડિયાનો સૌથી અનુભવી બેટ્સમેન વિરાટ કોહલી ફરી ક્યારેય વ્હાઈટ જર્સીમાં જોવા મળશે નહીં. તેને ટેસ્ટ ક્રિકેટમાંથી નિવૃત્તિની જાહેરાત કરી છે. આ પરિસ્થિતિમાં, BCCI એ ઈંગ્લેન્ડ પ્રવાસ માટે વિરાટ કોહલીનો વિકલ્પ શોધવો પડશે.
2008 માં આંતરરાષ્ટ્રીય ક્રિકેટમાં પ્રવેશ કરનાર આ બેટ્સમેને ક્રિકેટની એક નવી વ્યાખ્યા બનાવી હતી. રન મશીન અને ચેઝ માસ્ટર તરીકે જાણીતા વિરાટ કોહલીએ આંતરરાષ્ટ્રીય ક્રિકેટમાં ઘણા રેકોર્ડ બનાવ્યા છે, પરંતુ વિરાટની આ સફળતા પાછળ તેની મહેનત છે. ચીકુમાંથી ચેઝ માસ્ટર બનવાની તેની સ્ટોરી ખૂબ જ રસપ્રદ છે.
9 વર્ષની ઉંમરે રમવાનું શરૂ કર્યું ક્રિકેટ
વિરાટ કોહલીનો જન્મ 5 નવેમ્બર 1988 ના રોજ દિલ્હીના એક મધ્યમ વર્ગના પરિવારમાં થયો હતો. કોહલીએ 9 વર્ષની ઉંમરે ક્રિકેટ રમવાનું શરૂ કર્યું હતું. જેને તેના પિતા પ્રેમ કોહલી અને માતા સરોજ કોહલીએ સંપૂર્ણ સપોર્ટ કર્યો. વિરાટના પિતાનું 2006 માં અવસાન થયું, પરંતુ તે પોતાના લક્ષ્યથી પાછળ હટ્યો નહીં. તેની માતાએ પણ તેને સારો સપોર્ટ આપ્યો.
વિરાટે કેવી રીતે શરૂ કરી ક્રિકેટ કારકિર્દી?
વિરાટ કોહલીને પહેલી વાર 2002માં દિલ્હીની અંડર-15 ટીમ માટે રમવાની તક મળી હતી. આ દરમિયાન તેને શાનદાર પ્રદર્શન કર્યું. આ પછી, તેને અંડર-19 ટીમમાં પણ પોતાની બેટિંગ કુશળતા સાબિત કરી. આ પછી, 2008માં, તેને અંડર-19 વર્લ્ડકપ માટે ટીમ ઈન્ડિયાનો કેપ્ટન બનાવવામાં આવ્યા. તેમની ઉત્તમ કેપ્ટનશીપ અને બેટિંગને કારણે ટીમ ઈન્ડિયાએ અંડર-19 વર્લ્ડકપનો ખિતાબ જીત્યો. કોહલીને આનો મોટો ફાયદો થયો, તે જ વર્ષે તેને ODI માં ડેબ્યૂ કરવાની તક મળી અને અહીંથી ચીકુથી ચેઝ માસ્ટર સુધીની સફર શરૂ થઈ.
શ્રીલંકા સામે આંતરરાષ્ટ્રીય ક્રિકેટમાં ડેબ્યૂ
2008 માં, તેને શ્રીલંકા સામે આંતરરાષ્ટ્રીય ક્રિકેટમાં પ્રવેશ કર્યો. વિરાટ કોહલીએ 2009 માં શ્રીલંકા સામે આંતરરાષ્ટ્રીય ક્રિકેટમાં પોતાની પહેલી સદી ફટકારી હતી. આ પછી તેને સદીઓની લાંબી લાઈન લગાવી. પોતાના ઉત્કૃષ્ટ પ્રદર્શનના આધારે, તેને 2011 ના વર્લ્ડકપ માટે ટીમમાં સ્થાન મેળવ્યું. આ ટુર્નામેન્ટમાં તેને બેટથી ઘણી સારી ઈનિંગ્સ રમી. જેના કારણે ભારત વિશ્વ ચેમ્પિયન બન્યું. તેમના શાનદાર પ્રદર્શન બદલ તેમને વ્હાઈટ જર્સીથી પુરસ્કાર આપવામાં આવ્યો.
2011માં મળી વ્હાઈટ જર્સી
વિરાટ કોહલી વનડેમાં બેટથી ઘણા રન બનાવી રહ્યો હતો, જેનું ફળ તેને ટેસ્ટ ક્રિકેટના રૂપમાં મળ્યું. 2011માં વેસ્ટ ઈન્ડિઝ સામે તેને પહેલી વાર ટેસ્ટ ક્રિકેટ રમવાની તક મળી. આ પછી, તેને સતત ૧૪ વર્ષ સુધી ટેસ્ટ ક્રિકેટમાં પોતાના બેટનો દબદબો જાળવી રાખ્યો. આ સમયગાળા દરમિયાન, તેને ટીમ ઈન્ડિયા માટે 123 ટેસ્ટ મેચ રમી. આ મેચોમાં તેને 46.85 ની એવરેજથી 9,230 રન બનાવ્યા. આ સમયગાળા દરમિયાન, તેને 30 સદી અને 31 અડધી સદી ફટકારી છે. ટેસ્ટ ક્રિકેટમાં વિરાટ કોહલીનો હાઈએસ્ટ સ્કોર 254 રન અણનમ છે. આ સમયગાળા દરમિયાન, તેના બેટમાંથી સતત રન આવી રહ્યા હતા.
2014 માં મળી ટેસ્ટ ટીમની કેપ્ટનશીપ
વિરાટ કોહલી સતત સફળતાની ઊંચાઈઓ ચડી રહ્યો હતો. આ સમય દરમિયાન મહેન્દ્ર સિંહ ધોનીએ ટેસ્ટ ટીમની કેપ્ટનશીપ છોડી દીધી. આ પછી, વિરાટને ટેસ્ટ ટીમનો કેપ્ટન બનાવવામાં આવ્યો. તે અત્યાર સુધીનો ભારતનો સૌથી સફળ કેપ્ટન છે. તેને 2022 સુધી ટીમ ઈન્ડિયાનું નેતૃત્વ કર્યું. આ સમયગાળા દરમિયાન, તેને 68 માંથી 40 મેચમાં ટીમને વિજય અપાવ્યો. કોહલીની કેપ્ટનશીપ હેઠળ, ટીમ ઈન્ડિયાએ 2018-19માં પહેલીવાર બોર્ડર-ગાવસ્કર ટ્રોફી જીતી હતી. તેને 11 ઘરઆંગણે ટેસ્ટમાં કેપ્ટનશીપ કરી અને બધી જીત મેળવી. તેને કેપ્ટન તરીકે 20 સદી ફટકારી છે. આ સિવાય તેમની કેપ્ટનશીપ હેઠળ, ભારતે પહેલીવાર વર્લ્ડ ટેસ્ટ ચેમ્પિયનશિપની ફાઈનલ રમી હતી. આમાં ટીમ ઈન્ડિયાનો ન્યુઝીલેન્ડ સામે પરાજય થયો હતો.
2017માં ત્રણેય ફોર્મેટનો બન્યો કેપ્ટન
વર્ષ 2017 માં, વિરાટ કોહલીને ત્રણ કાર્યક્રમોમાં કેપ્ટન બનાવવામાં આવ્યો હતો. આ સમયગાળા દરમિયાન, તેને કોઈ ICC ટ્રોફી જીતી ન હતી, પરંતુ ઘણી ઐતિહાસિક સિરીઝમાં ટીમને વિજય અપાવ્યો હતો. તેને 95 ODI મેચોમાં ટીમનું નેતૃત્વ કર્યું, જેમાંથી ટીમે 65 મેચ જીતી. તેની જીતની ટકાવારી 70.43 હતી. આ અદ્ભુત રેકોર્ડ દરમિયાન, કિંગ કોહલીએ ઘણા એવા રેકોર્ડ બનાવ્યા, જે ભવિષ્યના કેપ્ટનો માટે હંમેશા એક પડકાર રહેશે અને કદાચ ક્યારેય તોડી શકાશે નહીં.
ODI માં સૌથી વધુ સદીઓ ફટકારનાર
વિરાટ કોહલી વનડેમાં સૌથી વધુ સદી ફટકારનાર વિશ્વનો પ્રથમ બેટ્સમેન છે. અત્યાર સુધીમાં તેને વનડેમાં 51 સદી ફટકારી છે. આ બાબતમાં તેને સચિન તેંડુલકરને પાછળ છોડી દીધો છે. પરંતુ તે હજુ સુધી સચિન તેંડુલકરનો સદીઓની સદી ફટકારવાનો રેકોર્ડ તોડી શક્યો નથી. સચિન તેંડુલકરના નામે વનડેમાં 49 સદી છે.
T20 વર્લ્ડ કપ જીત્યા બાદ લીધો સંન્યાસ
ગયા વર્ષે T20 વર્લ્ડકપ જીત્યા બાદ, વિરાટ કોહલીએ T20 વર્લ્ડ કપમાંથી નિવૃત્તિ લીધી. T20 વર્લ્ડ કપની ફાઈનલમાં, તેને દક્ષિણ આફ્રિકા સામે શાનદાર અડધી સદીની ઈનિંગ રમી, જેના માટે તેને મેન ઓફ ધ મેચ પસંદ કરવામાં આવ્યો. તેને 125 T20 મેચોમાં 48.69ની એવરેજથી 4188 રન બનાવ્યા છે, જેમાં એક સદી અને 38 અડધી સદીનો સમાવેશ થાય છે.
કોઈ તોડી શકશે નહીં આ રેકોર્ડ
કિંગ કોહલી ટેસ્ટ ક્રિકેટમાં ભારતના સફળ કેપ્ટનોમાંના એક છે. ટેસ્ટ ક્રિકેટમાં કેપ્ટનશીપ કરતી વખતે વિરાટે 5864 રન બનાવ્યા છે. આ સમયગાળા દરમિયાન, તેને 20 સદીની ઈનિંગ્સ પણ રમી છે. ટેસ્ટમાં કેપ્ટનશીપ કરતી વખતે કોહલી જેટલા રન અન્ય કોઈ ભારતીય ખેલાડીએ બનાવ્યા નથી. આ સિવાય તેને સેના સામે તેમના ઘરે ઘણા રન બનાવ્યા છે. વિરાટ કોહલી દક્ષિણ આફ્રિકા, ઈંગ્લેન્ડ, ન્યુઝીલેન્ડ અને ઓસ્ટ્રેલિયામાં સૌથી વધુ ટેસ્ટ મેચ જીતનાર પ્રથમ એશિયન કેપ્ટન છે. વિદેશી ધરતી પર, તેને 36 માંથી 16 મેચ જીતી છે, જ્યારે 15 હારનો સામનો કરવો પડ્યો છે. 5 મેચ ડ્રો રહી છે. વિરાટના નામે ટેસ્ટ ક્રિકેટમાં કેપ્ટન તરીકે સૌથી વધુ બેવડી સદી ફટકારવાનો રેકોર્ડ પણ છે. કેપ્ટન તરીકે, વિરાટ કોહલીએ ટીમ ઈન્ડિયા માટે કુલ 7 વખત 200 કે તેથી વધુ રનની ઈનિંગ્સ રમી છે.
