IPL 2025ના ક્વોલિફાયર 1માં રમવાનું મુંબઈ ઈન્ડિયન્સનું સ્વપ્ન ચકનાચૂર થઈ ગયું છે. હવે ફાઈનલમાં પહોંચવા માટે ટીમે પહેલા એલિમિનેટર અને પછી બીજા ક્વોલિફાયરમાં સારું પ્રદર્શન કરવું પડશે.
પ્લેઓફ પહેલા, ત્રણ MI ખેલાડીઓએ ટીમ છોડી દીધી છે. વિલ જેક્સ, રિયાન રિકલ્ટન અને કોર્બિન બોશ ઘરે પરત ફર્યા છે. મુંબઈએ પોતાના એક્સ એકાઉન્ટ પર એક પોસ્ટ શેર કરીને આ ત્રણેયને વિદાય આપી છે. હાર્દિક પંડ્યાની સેનાને એક વિસ્ફોટક બેટ્સમેનનો સપોર્ટ મળ્યો છે.
ત્રણ ખેલાડીઓ મુંબઈનો છોડ્યો સાથ
વિલ જેક્સ, રિયાન રિકલ્ટન અને કોર્બિન બોશ રાષ્ટ્રીય ફરજને કારણે પોતપોતાના દેશોમાં પાછા ફર્યા છે. આ ત્રણેય ખેલાડીઓના સ્થાને મુંબઈ ઈન્ડિયન્સ દ્વારા પહેલાથી જ જાહેરાત કરવામાં આવી હતી. MI માટે સારા સમાચાર એ છે કે ઈંગ્લેન્ડના વિસ્ફોટક બેટ્સમેન જોની બેયરસ્ટો ટીમમાં જોડાયો છે.
મુંબઈએ એક પોસ્ટ શેર કરી છે જેમાં બેયરસ્ટો MI જર્સીમાં પ્રેક્ટિસ માટે જતા જોવા મળે છે. તમને જણાવી દઈએ કે આ પહેલા બેયરસ્ટો પંજાબ કિંગ્સ અને સનરાઈઝર્સ હૈદરાબાદ તરફથી રમી ચૂક્યો છે. વર્ષ 2024 માં, પંજાબે KKR સામે T20 ક્રિકેટના ઈતિહાસમાં સૌથી મોટા લક્ષ્યનો પીછો કર્યો અને બેયરસ્ટોએ આમાં ખૂબ જ મહત્વપૂર્ણ ભૂમિકા ભજવી. આ ઈંગ્લિસ બેટ્સમેને શાનદાર સદી ફટકારી, 48 બોલમાં 108 રન ફટકાર્યા.
MIનું સ્વપ્ન રહ્યું અધૂરું
IPL 2025ના પહેલા ક્વોલિફાયરમાં રમવાનું મુંબઈ ઈન્ડિયન્સનું સ્વપ્ન અધૂરું રહ્યું. જયપુરમાં રમાયેલી મેચમાં પંજાબ કિંગ્સે MI ને 7 વિકેટે હરાવ્યું. પ્રથમ બેટિંગ કરતા, મુંબઈએ 20 ઓવરમાં 7 વિકેટ ગુમાવીને સ્કોરબોર્ડ પર 184 રન બનાવ્યા.
ટીમ તરફથી સૂર્યકુમાર યાદવે 39 બોલમાં 57 રનની શાનદાર ઈનિંગ રમી. પરંતુ પંજાબે 18.3 ઓવરમાં માત્ર ત્રણ વિકેટ ગુમાવીને આ લક્ષ્ય સરળતાથી પ્રાપ્ત કરી લીધું. ટીમ તરફથી જોશ ઈંગ્લિસે 42 બોલમાં 73 રનની શાનદાર ઈનિંગ રમી.
