રોયલ ચેલેન્જર્સ બેંગલુરુએ પંજાબ કિંગ્સને હરાવીને પોતાનું 18 વર્ષનું સપનું પુરુ કર્યું છે. વિરાટની ટીમે પહેલી વખત આઈપીએલની ટ્રોફી જીતીને ઈતિહાસ રચી દીધો છે. મેચ જીત્યા પછી વિરાટ ઈમોશનલ થઈ ગયો હતો. તેઓ ફિલ્ડ પર બેઠા બેઠા રડવા લાગ્યા. તો વિરાટની ખુશીમાં તેની પત્ની અનુષ્કા શર્મા પણ ખુશ થતી નજરે ચડી હતી. અનુષ્કા વિરાટની મેચ જોવા ત્યાં પહોંચી હતી. અનુષ્કા વિરાટ માટે લકી ચાર્મ છે. તેમની આ વસ્તુ વિરાટ માટે ફાઈનલમાં લકી સાબિત થઈ છે.
અનુષ્કા શર્મા આઈપીએલના પહેલા ક્વોલિફાયરમાં વિરાટને સપોર્ટ કરવા માટે ગઈ હતી. પહેલી ક્વોલિફાયર પણ આરસીબી અને પંજાબ કીંગ્સ વચ્ચે રમાઈ હતી. જે અનુષ્કાએ એ મેચમાં કર્યું હતું તે જ ફાઈનલમાં કર્યું. અનુષ્કાનો શર્ટ વિરાટ માટે લકી સાબિત થયો હતો.
વ્હાઈટ શર્ટ વિરાટ માટે બન્યો લકી
અનુષ્કા શર્મા આઈપીએલના પહેલા ક્વોલિફાયરમાં વ્હાઈટ કલરનો શર્ટ અને ડેનિમ પહેરીને પહોંચી હતી. તે સ્ટેન્ડ પરથી વિરાટ માટે ખૂબ ચિયર્સ કરી રહી હતી. આ પછી મંગળવારે ફાઈનલમાં પણ અનુષ્કાનો લૂક પહેલા જેવો જ હતો. તે વ્હાઈટ શર્ટ અને ડેનિમ પહેરીને આવી હતી. આ રીતે વિરાટ માટે અનુષ્કાનો વ્હાઈટ શર્ટ લકી સાબિત થયો.
વિરાટ અનુષ્કાને ભેટ્યો
મેચ જીત્યા પછી વિરાટ દર વખતની જેમ અનુષ્કાને મળવા માટે ગયો અને તેને ભેટીને રડવા લાગ્યો. અનુષ્કાને હગ કરવાની સાથે જ વિરાટની આંખોમાં આંસુ હતા. આરસીબીના જીત્યા પછી અનુષ્કાના ચહેરા પર ખૂબ ખુશી હતી અને પછી તે રડી પડી હતી.
