બેંગલુરુમાં ચિન્નાસ્વામીની બહાર હજારોની સંખ્યામાં ફેન્સ હાજર છે. આજે રોયલ ચેલેન્જર્સ બેંગલુરુની જીતનું સેલિબ્રેશન શહેર બેંગલુરુમાં કરવામાં આવશે. તેની માટે આખી ટીમ અને સપોર્ટ સ્ટાફ બેંગલુરુ એરપોર્ટ પર પહોંચી ગયો છે.
આરસીબી ટીમના એરપોર્ટ પર આગમન પર ડેપ્યુટી સીએમ ડી.કે. શિવકુમારે આખી ટીમનું જોરદાર સ્વાગત કર્યું. ડેપ્યુટી સીએમએ વિરાટને ગળે લગાવીને વિજય બદલ અભિનંદન પાઠવ્યા અને આરસીબીનો ધ્વજ પણ લહેરાવ્યો.
ચિન્નાસ્વામી સ્ટેડિયમની બહાર ફેન્સની ભારે ભીડ
બેંગ્લુરુના ફેન્સ પોતાની ટીમ સાથે પહેલી IPL ટ્રોફી જીતનું સેલિબ્રેશન કરવા માંગે છે. દરેક ફેન્સ વિરાટ સાથે ટીમના તમામ ખેલાડીઓની એક ઝલક જોવા માંગે છે. આ સાથે ફેન્સ આ સાંજની પણ રાહ જોઈ રહ્યા છે. આ માટે, RCB ફેન્સ મોટી સંખ્યામાં ચિન્નાસ્વામી સ્ટેડિયમ પહોંચી રહ્યા છે, જ્યાં વિનિંગ સેરેમનીનું આયોજન કરવામાં આવ્યું છે. સ્ટેડિયમની બહાર, ફેન્સ RCB-RCB ના નારા લગાવી રહ્યા છે.
ચિન્નાસ્વામીમાં કરવામાં આવશે આરસીબીની જીતનું સેલિબ્રેશન
બેંગ્લુરુ ટીમના આગમન સાથે જ શહેરમાં જીતનું સેલિબ્રેશન શરૂ થઈ ગયું છે. આજે 4 જૂને સાંજે 5 વાગ્યે RCB ટીમ તેના હોમ ગ્રાઉન્ડ ચિન્નાસ્વામી સ્ટેડિયમ પહોંચશે અને ફેન્સ સાથે આ જીતનું સેલિબ્રેશન કરશે.
આ પહેલા આજે બપોરે 3:30 વાગ્યે RCB Victory Parade શરૂ થવાની હતી, પરંતુ ટ્રાફિક એડવાઈઝરીને કારણે બેંગ્લુરુ પોલીસે તેને રદ્દ કરી દીધી છે. આ પહેલા બેંગ્લુરુની ટીમ ઓપન બસ દ્વારા રોડ શો કરીને વિધાન સૌદાથી ચિન્નાસ્વામી સ્ટેડિયમ પહોંચવાની હતી, પરંતુ હવે ખેલાડીઓ સીધા સ્ટેડિયમ પહોંચશે.
