ઉત્તરાખંડમાં ખાસ કરીને મસૂરી હરિદ્વાર અને નૈનીતાલના રસ્તે ભારે ટ્રાફિકજામની સ્થિતિ બે દિવસમાં સર્જાઇ હતી. ખાસ કરીને મસૂરીમાં પ્રવાસીઓ વધી જતાં આવી સ્થિતિ સર્જાઇ હતી. કેટલાય કિલોમીટર સુધી વાહનોની લાંબી કતાર લાગી હતી. રવિવારે ટ્રાફિકજામ વચ્ચે સારવાર ન મળતાં એક વૃદ્ધનું મોત થયું હતું.
મેદાની વિસ્તારોમાં પડી રહેલી ભીષણ ગરમીના કારણે લોકો પહાડી વિસ્તારોમાં ફરવા આવી રહ્યા છે. સપ્તાહના અંતિમ દિવસોમાં મોટી સંખ્યામાં પર્યટકો ઉમટી પડતાં ભારે ભીડ થઈ હતી. અમુક મિનિટોમાં પહોંચવાના બદલે અમુક કલાકો સુધી વાહનોમાં બેઠા રહ્યા બાદ માંડ વાહનો પસાર થતાં હતા.
આ વિસ્તારોમાં લોકો ફસાયા
મસૂરીમાં લાયબ્રેરી, દહેરાદૂન રોડ, પીકચર પેલેસ રોડ, અકાદમી માર્ગ, માલ રોડ, મોતીલાલ નેહરુ માર્ગ અને સ્થાનિક વિસ્તારોમાં ટ્રાફિક થયો હતો. સ્થાનિક રહીશોને પણ પરેશાની થઈ હતી.
જામના કારણે ઈલાજ ન મળતાં મોત
62 વર્ષના કમલ કિશોર તેમના સંબંધીઓ સાથે મસૂરી ફરવા આવ્યા હતા. જામમાં ફસાયા બાદ તેમને સારવાર ન મળતાં મૃત્યુ થયું હતું. તેમની તબિયત અચાનક ખરાબ થયા બાદ ખાનગી વાહનમાં હોસ્પિટલ લઈ જમા આવી રહ્યા હતા પણ ટ્રાફિકજામમાં ફસાઈ જતાં સારવાર મળી શકી ન હતી.
સાઈડ પાર્કિંગના લીધે ઉભી થઈ પરેશાની
મસૂરી હોટેલ એસોસિયશનના અધ્યક્ષ સંજય અગ્રવાલે મધ્યમોને કહ્યું હતું કે, મસૂરીમાં સાઈડ પાર્કિંગ હોવાના લીધી સમસ્યા સર્જાઇ છે. મોટી સંખ્યામાં લોકો આવતા જામ સર્જાયો છે. હાઇવેથી માંડીને શહેર સુધી કેટલાય કિલોમીટર સુધી જામ છે.
