તાઈવાનના પૂર્વ વિસ્તારમાં બુધવારે 5.9ની તીવ્રતાનો ભૂકંપનો ઝટકો આવ્યો છે, આ ભૂકંપના ઝટકાના કારણે હુલિએન શહેર અને રાજધાની તાઈપેમાં ભારે દોડધામ મચી ગઈ છે. તાઈવનના કેન્દ્રીય હવામાન વિભાગ મુજબ ભૂકંપનું કેન્દ્રબિંદુ 30.9 કિલોમીટર નીચે હતું. તેની પુષ્ટી અમેરિકી ભૂગર્ભ સર્વેક્ષણને પણ કરી છે. ભૂકંપના કારણે મોટા ઝટકા લોકોએ અનુભવ્યા છે.
1 મિનિટ સુધી બિલ્ડીંગો ધ્રુજી
ભૂકંપનું કેન્દ્ર હુલિએન શહેરથી લગભગ 71 કિલોમીટર દક્ષિણમાં હતું. જે તાઈવાનનું ઓછી વસ્તી ધરાવતા વિસ્તારમાં આવે છે. હુલિએનની તુલનામાં તાઈવાનના પશ્ચિમ વિસ્તાગમાં વધારે વસ્તી છે. જ્યાં ભૂકંપ સામાન્ય વાત છે. રાજધાની તાઈપેમાં બિલ્ડીંગો લગભગ 1 મિનિટ સુધી ધ્રુજી હતી, જેનાથી લોકોમાં ડરનો માહોલ છે. જો કે ભૂકંપના કારણે કોઈ મોટું નુકસાન થયું હોવાના સમાચાર અત્યાર સુધી સામે આવ્યા નથી.
તાઈવાનમાં કેમ આવે છે ભૂકંપના ઝટકા?
તાઈવાન ભૂકંપની દ્રષ્ટીએ સક્રિય ક્ષેત્ર (રિંગ ઓફ ફાયર)માં સ્થિત છે, કારણ કે આ બે ટેક્ટોનિક પ્લેટોના જંક્શન પર છે. આ કારણથી અહીં દર વર્ષે હજારો નાના-મોટા ભૂકંપના ઝટકા આવતા રહે છે. તાજેત્તરમાં જ તાઈવનામાં ભૂકંપ આવ્યો હતો. જેમાં જાન્યુઆરીમાં 6.4ની તીવ્રતાનો ભૂકંપનો ઝટકો પણ સામે છે, જેમાં 15 લોકો ઘાયલ થયા હતા અને કેટલીક ઈમારતો તબાહ થઈ ગઈ હતી.
