જેલના નિયમો અનુસાર, આરોપી માતા તેના નવજાત શિશુને ફક્ત 6 વર્ષની ઉંમર સુધી જ પોતાની સાથે રાખી શકે છે.
બાળકી કોની ?
કુખ્યાત બ્લુ ડ્રમ કેસની મુખ્ય આરોપી મુસ્કાન રસ્તોગીએ આરએલએમ હોસ્પિટલમાં પુત્રીને જન્મ આપ્યો છે. જેનું નામ તેણીએ રાધા રાખ્યું છે. ડોકટરોની એક ટીમે 24 નવેમ્બરના રોજ સાંજે 6:50 વાગ્યે સામાન્ય ડિલિવરી કરી હતી. જેલ સૂત્રોના જણાવ્યા અનુસાર, માતા અને બાળકી બંને સંપૂર્ણપણે સ્વસ્થ છે. હત્યાના આરોપમાં જેલમાં બંધ મુસ્કાનના પતિ સૌરભ રસ્તોગીએ પણ 24 નવેમ્બરના રોજ પોતાનો જન્મદિવસ ઉજવ્યો હતો. રાધા મુસ્કાનની બીજી પુત્રી છે. તેની મોટી પુત્રી પીહુ હાલમાં તેના દાદા-દાદી સાથે રહે છે.
જેલના નિયમો શું છે?
મુસ્કાનને “કૃષ્ણ” જેવા પુત્રની ઇચ્છા હતી. પરંતુ તેણે એક પુત્રીને જન્મ આપ્યો છે. પોલીસે મુસ્કાનની ધરપકડ કરી ત્યારે તે લગભગ દોઢ મહિનાની ગર્ભવતી હતી. હવે મોટો પ્રશ્ન એ છે કે આ કોનું બાળક છે? જેલના નિયમો અનુસાર, મુસ્કાન તેની નવજાત પુત્રી રાધાને છ વર્ષની થાય ત્યાં સુધી જ જેલમાં પોતાની સાથે રાખી શકે છે. જો મુસ્કાનને છ વર્ષથી વધુ જેલની સજા થાય છે. તો બાળકનો ઉછેર કોણ કરશે? આ એક મુખ્ય પ્રશ્ન છે.
મૃતક સૌરભના પરિવારજનોએ શું કહ્યુ ?
સૌરભના મોટા ભાઈ રાહુલ રસ્તોગી કહે છે કે તે બાળકનો DNA ટેસ્ટ કરાવશે. જો સાબિત થાય કે બાળક સૌરભનું છે, તો પરિવાર તેને દત્તક લેવા તૈયાર છે. રાહુલે એવી પણ ચિંતા વ્યક્ત કરી કે જો બાળક સૌરભનું છે અને મુસ્કાન સાથે રહે છે, તો તે તેને નુકસાન પહોંચાડી શકે છે. હાલમાં, રાધા સંપૂર્ણપણે સ્વસ્થ છે અને સ્તનપાન કરાવી રહી છે. પુત્રની ઇચ્છા પૂર્ણ ન થઈ હોવા છતાં, તે પુત્રીના જન્મથી ખુશ લાગે છે.
