રવિવારે મહુડી ખાતે જૈન શાસન રક્ષક વીર ઘંટાકર્ણદાદાના હવનનું અનેરૂ મહત્વ

રવિવારે મહુડી ખાતે જૈન શાસન રક્ષક વીર ઘંટાકર્ણદાદાના હવનનું અનેરૂ મહત્વ

દેશ અને દુનિયામાંથી અનેક  જૈન – જૈનેતરો આ હવનના પૂજા, દર્શનનું મહત્વ

અગ્ર ગુજરાત, રાજકોટ

ઉત્તર ગુજરાતમાં મહુડી તીર્થનું નામ આવતાં આસ્થાથી હૈયું તરબતર  જાય છે. ભગવાન શ્રી ઘંટાકર્ણ મહાવીર દાદાનું આ સ્થાનક જૈન તીર્થ ભલે હોય પરંતુ જૈનેતરો માટે પણ એટલું જ પૂજનીય છે.  મહુડી તીર્થનાં દર્શને જેટલા જૈનસમુદાયના લોકો જાય છે એના જેટલા જ જૈનેતરો પણ જતા હોય છે.

ઉત્તર ગુજરાતના ગાંધીનગર જિલ્લાના માણસા તાલુકામાં મહુડી આવેલું છે.  તેનું અસલ નામ મધુપુરી છે.  તેમાં શ્રી ઘંટાકાર્ણવીર દાદાનું મંદિર છે.  ઉપરાંત મૂળનાયક  શ્રી પદ્મપ્રભુ જિનેશ્વર ભગવાનનું ભવ્ય જિનાલય છે.  શ્રી ઘંટાકર્ણવીર શ્રી જિનેશ્વર પરમાત્માના પરમતારક શાસનમાંના બાવન વીર પૈકીના ત્રીસમાં વીર છે.  જિનશાસ્ત્ર મુજબ તેઓ પૂર્વભવમાં મહાબલ નામના ક્ષત્રિય રાજા હતા.

હાલના ઉત્તરાંચલ રાજયના ટિહરી ગઢવાલ વિસ્તારમાં આવેલા શ્રીનગર (શ્રીતીર્થ)માં તેમનું રાજય હતું.  તેની નજીકની પર્વતમાળા પર ત્રેવીસ તીર્થંકર પરમાત્માઓનાં જિનાલય આવેલાં છે તેની યાત્રાએ આવતા શ્રાવકોનું રક્ષણ પર્વતના જંગલ વિસ્તારનાં હિંસક વન્ય પ્રાણીઓ અને અનાર્ય પ્રજાથી રક્ષણ કરવા માટે શ્રી ઘંટાકર્ણવીર દેવનો આવિર્ભાવ થયો હતો.

સેંકડો વર્ષ પહેલાં પ્રાચીન મધુપુરીમાં શ્રી પદ્મપ્રભુસ્વામી ભગવાનનું જિનાલય હતું. આ.ભ.શ્રીમદ્ બુદ્ઘિસાગરસૂરીશ્વરજી મ.સા.એ વિક્રમસવંત ૧૯૭૪માં માગશર સુદ છઠના દિવસે નૂતન જિનાલય નિમાર્ણ કરાવી મૂળનાયક શ્રીમદ્ પદ્મપ્રભુસ્વામી ભ.ની પ્રતિષ્ઠા કરાવી. વિક્રમ સવંત ર૦ર૪માં ગચ્છાધિપતિ આ.ભ.રી કૈલાસસાગરસુરીશ્વરજી મ.સા. તથા ગચ્છાધિપતિ આ. ભ. શ્રી સુબોધ સાગરસૂરીશ્વરજી મ.સા.ની નિશ્રામાં ર૭ જિનાલયનું  નિમાર્ણ થયું.

દર વર્ષે કાળી ચૌદશ ૮-૧૧-૨૦૨૬ રવિવાર દિવસે બપોરે ૧ર-૩૯ના વિજયમુહૂર્ત શ્રી ઘંટાકર્ણદાદાનો હવન થાય છે. હવન સાથે 108 વખત ઘંટારવ કરીને દરેક ઘટનાદ સાથે હવનમાં આહુતીઆપવામાં આવશે. દાદાના ભક્તો હવનમાં જોડાઈને ચમત્કારી મંત્રના 108 જાપ કરવાની સાથે સાથે નારાછડીની ગાંઠ વળશે આ દિવસે શ્રદ્ધાળુઓ પગના અંગૂઠાથી માથા સુધી ની લંબાઈ ધરાવતી નાળા છડી અથવા લાલ રંગના કંદોરાની 108 ગાંઠ વાળશે પેલા ડંકો વાગતા જૈન અને જૈનંતર ભાવિકો દ્વારા કંદોરા ની એક ગાંઠ વાળવામાં આવશે સર્વે મનોકામના પૂરી કરી 108 ગાંઠનો દોરો અતિ પવિત્ર ગણવામાં આવે છે અને સફળતાપૂર્વ હવન દરમિયાન ૧૦૮ ગાંઠો બાંધી શકે તેમની બધી જ મનોકામના પૂર્ણ થાય છે. વર્ષમાં એકવાર કાળી ચૌદસના દિવસે ભવ્ય આયોજન કરવામાં આવે છે  ઘણા વર્ષોથી  આ હવન થાય છે.