એટલાન્ટિસ હિલ્સ પરિવાર દ્વારા પ્રથમ વખત શરદ પૂર્ણિમા ઉત્સવની ઉજવણી
રપથી વધુ બાળકોએ પ્રભુના વિવિધ સ્વરૂપો ધારણ કરી વેશભૂષામાં ભાગ લીધો
અગ્ર ગુજરાત, રાજકોટ
એટલાન્ટિસ હિલ્સ પરિવાર દ્વારા પ્રથમ વખત શરદ પૂર્ણિમા ઉત્સવનુ આયોજન નૈમેશ જ્વેલર્સ, એટલાન્ટિસ હીલ્સ , રાજકોટના સહયોગથી રાખવામાં આવેલ તેમાં પ્રથમ સર્વે પરિવારજનો સામુહીક ભોજન લીધેલ ત્યારબાદ ર૫ થી વધુ બાળકોએ પ્રભુના ઈશ્વરના માતાજીના અલગ અલગ પ્રકારની વેશભૂષા ધારણ કરી ઉત્સવમાં ચાર ચાંદ લગાવેલ હતા અને પરિવારની માતાઓ અને બહેનોએ સુંદર મા અંબે ના ગરબા સાથે મળીને લીધેલા હતા. ૩૫૦ થી વધુ ભાઈઓ બહેનો ભેગા મળીને જમ્યા હતા. અને પ્રોગ્રામ પૂર્ણ થયા બાદ દૂધપૌવાની પ્રસાદી સર્વે પરિવારજનોને આપવામાં આવેલ. એટલાન્ટિસ હીલ્સ પરિવાર દ્વારા સતત છેલ્લા બે વર્ષથી દર વર્ષે આવતા ધાર્મિક તહેવારો ના ઉત્સવો જેવા કે ધુળેટી, હનુમાન જયંતિ, જન્માષ્ટમી, ગણેશ ઉત્સવ, નવરાત્રી, જલારામ જયંતી, મહાવીર જન્મ કલ્યાણક મહોત્સવનુ સુંદર આયોજન પણ કરવામાં આવે છે. આ ધાર્મિક આયોજનને સફળ બનાવવા માટે એટલાન્ટિસ હિલ્સના સર્વે પરિવારજનોનો સર્વે આયોજકો આભાર વ્યક્ત કરે છે.
