બી. એચ. ગાર્ડી કોલેજ ખાતે એમ.બી.એ. ના વિદ્યાર્થીઓની સિધ્ધીને બિરદાવવા ‘પિનેકલ ૨૦૨૬‘ સમારોહ યોજાયો
વિદ્યાર્થીઓને પ્રમાણપત્ર એનાયત કરી સન્માનિત કરાયા
અગ્ર ગુજરાત, રાજકોટ
બી. એચ. ગાર્ડી કોલેજ ઓફ એન્જિનિયરિંગ એન્ડ ટેકનોલોજીના એમબીએ વિભાગ દ્વારા તાજેતરમાં ‘પિનેકલ ૨૦૨૬ – એમબીએ સિદ્ધિ સમારોહ’નું ભવ્ય આયોજન કરવામાં આવ્યું હતું. આ સમારોહનો હેતુ એમ.બી.એ. અભ્યાસક્રમ સફળતાપૂર્વક પૂર્ણ કરનાર વિદ્યાર્થીઓની શૈક્ષણિક સિદ્ધિઓની ઉજવણી કરવાનો હતો.
સમારોહ દરમિયાન વિદ્યાર્થીઓને તેમની શૈક્ષણિક ઉપલબ્ધિઓ અને એમબીએ અભ્યાસના સફળ સમાપનના ભાગરૂપે પ્રમાણપત્રો અર્પણ કરવામાં આવ્યા હતા. આ કાર્યક્રમમાં ઉદ્યોગ જગતના પ્રતિષ્ઠિત મહેમાનો વિશેષ ઉપસ્થિત રહ્યા હતા. જેમાં જ્યોતિ CNCના એચ.આર. એક્ઝિક્યુટિવ લાલજી રબાડિયા, મંત્ર એડ્સના એચ.આર. એક્ઝિક્યુટિવ ધ્રુમી માંડવિયા, પૂજા વાઘેલા તથા કિયાન એમ એક્સપોર્ટ લિમિટેડના એચ.આર. પ્રતિનિધિ હિરલ મહેતાનો સમાવેશ થતો હતો.
આ સમારંભમાં ગાર્ડી વિદ્યાપીઠના મેનેજિંગ ડિરેક્ટર જય મહેતાએ વિદ્યાર્થીઓને અભિનંદન પાઠવતાં જણાવ્યું હતું કે, “એમબીએની ડિગ્રી માત્ર શૈક્ષણિક સિદ્ધિ નથી, પરંતુ જવાબદાર નેતૃત્વ અને વ્યવસાયિક સફળતાની નવી શરૂઆત છે.” તેમણે વિદ્યાર્થીઓને તેમના વ્યાવસાયિક જીવનમાં શ્રેષ્ઠતા હાંસલ કરવા માટે શુભેચ્છાઓ પાઠવી હતી. તેમજ એમબીએ વિભાગના વડા ડૉ. નિલેશ અંકલેશ્વરિયાએ મહેમાનોનું સ્વાગત કરતાં વિભાગની શૈક્ષણિક શ્રેષ્ઠતા અને ઉદ્યોગલક્ષી મેનેજમેન્ટ શિક્ષણ પ્રત્યેની પ્રતિબદ્ધતા અંગે માહિતી આપી હતી. વિદ્યાર્થીઓના ઉજ્જવળ ભવિષ્ય અને સફળ કારકિર્દી માટે શુભેચ્છાઓ સાથે કાર્યક્રમનું સમાપન કરવામાં આવ્યું હતું.
