બહાઉદ્દીન સરકારી આર્ટ્સ કોલેજમાં ONOS અને લાઇબ્રેરી OPAC વિષયક વર્કશોપ યોજાયો
નિષ્ણાંતો દ્વારા વિદ્યાર્થીઓને માર્ગદર્શન અપાયું
અગ્ર ગુજરાત, રાજકોટ
જૂનાગઢની બહાઉદ્દીન સરકારી આર્ટ્સ કોલેજના ગ્રંથાલય વિભાગ દ્વારા વિદ્યાર્થીઓને આધુનિક ડિજિટલ માહિતી સેવાઓથી પરિચિત કરવાના હેતુસર તા. 17-07-2026, શુક્રવારના રોજ ગ્રંથાલય વિભાગ ખાતે કોલેજના આચાર્ય ડૉ. જે.આર.વાન્ઝાના માર્ગદર્શન હેઠળ “ONOS અને Library OPAC” વિષય પર એક માહિતીસભર વર્કશોપનું આયોજન કરવામાં આવ્યું હતું.
આ વર્કશોપમાં કોલેજના ગ્રંથપાલ અમિત વાઘેલા દ્વારા વિદ્યાર્થીઓને ONOS (One Nation One Subscription) યોજના અંગે વિગતવાર માર્ગદર્શન આપવામાં આવ્યું હતું. ઉપરાંત Library OPAC (Online Public Access Catalogue) ના ઉપયોગ દ્વારા પુસ્તકોની શોધ, ઉપલબ્ધતા તપાસવા, ગ્રંથાલયની વિવિધ સેવાઓનો અસરકારક ઉપયોગ તેમજ ઈ-સંસાધનો સુધી સરળતાથી પહોંચવાની પદ્ધતિ અંગે વ્યવહારુ માહિતી આપવામાં આવી હતી.
આચાર્યએ વિદ્યાર્થીઓને ડિજિટલ માહિતી સ્ત્રોતોનો મહત્તમ લાભ લેવા અને આવા જ્ઞાનવર્ધક કાર્યક્રમોમાં ઉત્સાહપૂર્વક ભાગ લેવા અનુરોધ કર્યો હતો.
આ વર્કશોપ વિદ્યાર્થીઓમાં માહિતી સાક્ષરતા, સંશોધન કૌશલ્ય અને ગ્રંથાલયના આધુનિક ઉપયોગ અંગે જાગૃતિ લાવવામાં મહત્વપૂર્ણ સાબિત થશે. કાર્યક્રમના અંતે પ્રો. ભાવિક ચાવડા સર દ્વારા આભાર વ્યક્ત કરવામાં આવ્યો અને વિદ્યાર્થીઓને ગ્રંથાલયની વિવિધ સેવાઓનો અસરકારક ઉપયોગ કરવા સંદેશ આપવામાં આવ્યો હતો.
