એસપી રોડથી ગાંધીનગરના અંડરબ્રિજ પર કરાયું શુશોભન, વાયબ્રન્ટની તૈયારીઓ પુરજોશમાં

• એસપી રીંગ રોડથી ગાંધીનગરના અંડરબ્રિજને શુશોભન
  
• ચાર્ટડ પ્લેનથી ધમધમતુ રહેશે અમદાવાદ એરપોર્ટ
  
• 5 વર્ષ બાદ યોજાશે વાઇબ્રન્ટ ગુજરાત 2024
  

વાયબ્રન્ટની તૈયારી પુરજોશમાં

ગુજરાતના પાટનાગર ગાંધીનગર ખાતે વાયબ્રન્ટ ગુજરાત ગ્લોબલ સમિટ યોજાવાની છે. જેને હવે ગણતરીના દિવસો બાકી છે. ત્યારે ગુજરાત સરકારે તમામ તૈયારીઓ પુરજોશમાં શરૂ કરી દીધી છે. પ્રધાનમંત્રી નરેન્દ્ર મોદીની વિડિયો કોન્ફરન્સ બાદ મુખ્યમંત્રી ભૂપેન્દ્ર પટેલની સરકારે વાયબ્રન્ટ ગુજરાતની તૈયારીઓ પુરજોશમાં શરૂ કરી દીધી છે.

એરપોર્ટ પર ગુજરાતની અસ્મિતાની ઝાંખી

વાયબ્રન્ટ ગુજરાત 2024ને લઈને અમદાવાદના એરપોર્ટ પર તૈયારીઓ તેજ થઈ ગઈ છે. વાયબ્રન્ટ સમિટને કારણે અમદાવાદ એરપોર્ટ વિશેષ ચાર્ટડ પ્લેનથી ધમધમતુ રહેશે. ગુજરાત સરાકરે 3 દિવસ માટે ચાર્ટડ પ્લેનનું કરાવ્યું એડવાન્સ બુકીંગ કરાવી લીધું છે. વાયબ્રન્ટમાં આવનાર અતિથિઓ માટે ખાસ ચાર્ટડ પ્લેનની વ્યવસ્થા કરવામાં આવી છે. અમદાવાદ એરપોર્ટ પર ગુજરાતની ઝાંખી કરાવાશે અને ગુજરાતની અસ્મિતાની ઝલક બતાવીને અતિથિઓનું સ્વાગત કરાશે.

રસ્તાઓ પર રંગરોગાન કરાયું

અમદાવાદ એરપોર્ટ જવાના રસ્તાઓ ઉપર રંગરોગાન, બેનર, પોસ્ટર, સહિતની તૈયારીઓ શરૂ કરી દેવાઈ છે. વાયબ્રન્ટની તૈયારીને લઈને અમદાવાદ એરપોર્ટથી મહાત્મા મંદિર સુધીના તમામ રસ્તાઓ પર બેરીકેટસ લગાવી દેવાયા છે. વાયબ્રન્ટ ગુજરાત સમીટને લઈને એરપોર્ટ ઓર્થોરિટીમાં બેઠકમાં દોર શરૂ થઈ ગયો છે. અન્ય ફ્લાઇટની વ્યવસ્થા ખોરવાય નહીં તેવા પ્રકારની વ્યવસ્થા એરપોર્ટ પર કરવામાં આવશે.

કોરોના કાળ બાદ 5 વર્ષે યોજાશે વાયબ્રન્ટ

28 સપ્ટેમ્બર 2003માં વાયબ્રન્ટ સમિટની શરૂઆત તત્કાલીન મુખ્યમંત્રી અને હાલના વડાપ્રધાન નરેન્દ્ર મોદીએ કરી હતી. જેઓ ઉદ્દેશ્ય હતો કે, વૈશ્વિક રોકાણકારોને ગુજરાતમાં આકર્ષવા અને આ સમિટ દર બે વર્ષે યોજયા છે પરંતુ કોરોના કાળ બાદ વર્ષ 2024માં યોજનારી આ વાયબ્રન્ટ ગુજરાત ગ્લોબલ સમિટ 5 વર્ષ બાદ યોજાવા જઈ રહી છે. છેલ્લે 2019માં વાઈબ્રન્ટ ગુજરાત સમીટ યોજાઈ હતી.

વાયબ્રન્ટ 2024 ‘ગેટ વે ટુ ધી ફ્યુચર થીમ’

આ વર્ષે વાઇબ્રન્ટ ગુજરાત ગ્લોબલ ઇન્વેસ્ટર્સ સમિટ 2024નું આયોજન થઈ ગયું છે. મહાત્મા મંદિર ખાતે યોજાનાર વાયબ્રન્ટ ગુજરાત ગ્લોબલ સમિટની આ વર્ષની થીમ છે ‘ગેટ વે ટુ ધી ફ્યુચર’. જેમાં સ્ટાર્ટ અપ એન્ડ ઈનોવેશન, ખાદ્ય સુરક્ષા, હેલ્થ કેર, ટેકનોલોજી અને લાઈફ સાયન્સ જેવી વિવિધ થીમ ગુજરાત વાયબ્રન્ટ સમિટમાં રાખવામાં આવી છે. ગુજરાતના રોડ મેપ ટુ વિકસિત ભારત 2047 અને એમએસએમઈ કોન્કલેવનો પણ સમાવેશ કરવામાં આવ્યો છે. મહાત્મા મંદિર ખાતે યોજાનાર વાયબ્રન્ટ ગુજરાત ગ્લોબલ ટ્રેડ 2024 ડિજિટલ ઈન્ડિયા પહેલ, આર્ટિફિશિયલ ઈન્ટેલિજન, ઈન્ડિયા ટેક, ઉદ્યોગ 4.0, ઈન્ડિયા સ્ટેક સ્માર્ટ મેન્યુફેક્ચરિંગ, જેવા સર્વિસ સેક્ટર ઉપર ફોકસ કરવામાં આવશે. આ ઉપરાંત કન્ઝ્યુમર ટેકનોલોજી, ફાઈનાન્સિયલ સર્વિસ, હેલ્થ, એજ્યુકેશન, હોસ્પિટાલિટી, સ્માર્ટ ઈન્ફાસ્ટ્રક્ચર અને સ્માર્ટ સિટીઝ જેવા વિવિધ સર્વિસ સેક્ટરમાં નવી ટેકનોલોજીનો ઉપયોગ કઈ રીતે વધારી શકાય તેવા કાર્યક્રમો અને સેમિનારનું આયોજન છે.

10 થી 12 જાન્યુઆરી વાયબ્રન્ટ સમિટ

આગામી 10 થી 12 જાન્યુઆરીના રોજ યોજાશે વાયબ્રન્ટ ગુજરાત ગ્લોબલ સમીટ 2024. વાયબ્રન્ટ સમીટની પુર જોશમાં તૈયારીઓને લઈને ગુજરાત સરકારે એસપી રીંગ રોડથી ગાંધીનગર જતા અંડરબ્રિજને શુશોભિત કરવાનું શરૂ કરી દીધું છે. અંડરબ્રિજની દીવાલો પર હેરિટેજ અમદાવાદના ચિત્રો દોરવમાં આવ્યાં છે. ખાસ આર્ટિસ્ટો અને પેઈન્ટરો દ્વારા અંડરબ્રીજ દીવાલો ઉપર એલિસબ્રિજ, ઝૂલતા મિનારા, અડાલજની વાવ અને અમદાવાદના તમામ દરવાજાના ચિત્રો દોરવામાં આવ્યાં છે અને અમદાવાદના તમામ હેરિટેજ સ્થળોને અંડરબ્રિજની દીવાલો પર અંકિત કર્યાં છે.