- એજન્ટોમાં માઈકલ, ચંદ્રેશ, રેડ્ડી, કિરણ પટેલના નામ સામે આવ્યા
- અત્યાર સુધીમાં કુલ 15 જેટલા એજન્ટના નામ સામે આવ્યા
- CID ક્રાઈમની તપાસમાં 66 મુસાફરોના નામ સામે આવ્યા
ફ્રાંસના એરપોર્ટ પરથી પરત આવેલા ગુજરાતી લોકોનો મામલે પોલીસ દ્વારા તપાસ ધમધમાટ શરૂ થયો છે. જેમાં CID ક્રાઈમની તપાસમાં 66 જેટલા મુસાફરોના નામ સામે આવ્યા છે. જેની અંદરમહેસાણા ગાંધીનગર આણંદ અને અમદાવાદના મુસાફરોની પૂછપરછ કરવામાં આવી છે. જેમાં એજન્ટોના નામ પણ હવે સામે આવ્યા છે.
એજન્ટોના નામ આવ્યા
ફ્રાંસ કબૂતરબાજી મામલે મોટો ખુલાસો સામે આવ્યો છે. જેમાં એજન્ટોના નામ આવ્યા સામે છે. માઈકલ, ચંદ્રેશ, રેડ્ડી, કિરણ પટેલના નામ સામે આવ્યા છે. અન્ય લોકોના નામ પણ જાહેર કરવામાં આવશે. આ સાથે જ રૂપિયા 60 થી 80 લાખ લોકલ એજન્ટ મારફતે અમદાવાદ થી દુબઈ અને દુબઈથી નિકારા ગુઆ અને નિકારા ગુઆ થી અમેરિકા જવાના હતા.
66 લોકોના વિઝા અંગે માહિતી મળી
એટલું જ નહીં અત્યાર સુધીમાં કુલ 15 જેટલા એજન્ટના નામ સામે આવ્યા છે. અમદાવાદ મુંબઈ દિલ્હી થી દુબઈ ફ્લાઈટ કોને બુક કરાવી તે દિશામાં તપાસ શરૂ કરવામાં આવી છે. 66 જેટલા લોકોના દુબઈના વિઝા મેળવ્યા અને વિઝા ફી કયા કયા ખાતા માંથી આપાવામાં આવી તે મામલે તપાસ શરૂ કરી છે. આ વચ્ચે 66 લોકો માંથી CID ક્રાઈમ 55 લોકોના નિવેદન લીધા છે.
એજન્ટના નામ સામે આવતા વધુ તપાસ હાથ ધરી છે. જેની સાથે જ અમેરિકા જતા મુસાફરોને એજન્ટો 1 હજાર થી 3 હજાર ડોલર આપ્યા હોવાનો ખુલાસો પણ થયો છે. આ મામલે ક્યાંથી પૈસાની હેરાફેરી કરવામાં આવી અને કેવી રીતે આ લોકોએ વિમાન બુક કરાવ્યું તે મામલે પણ તપાસ હાથ ધરવામાં આવી રહી છે. તેમજ આગળની તપાસ હાથ ધરવામાં આવી છે.
