- હોટલ, કલબ, રેસ્ટોરન્ટને લાયસન્સ મળશે
- માત્ર અધિકૃત અને મુલાકાતીઓ લિકરનું સેવન કરી શકશે
- ગિફ્ટ સિટીના કર્મચારીઓએ લિકર એક્સેસની મંજૂરી લેવી પડશે
ગુજરાતના ગાંધીનગર ખાતે આવેલ ગિફ્ટ સિટીમાં લિકર પરમિશન અંગે નિયમ જાહેર કરવામાં આવ્યો છે. જેમાં હોટલ, કલબ, રેસ્ટોરન્ટને લાયસન્સ મળશે. માત્ર અધિકૃત અને મુલાકાતીઓ લિકરનું સેવન કરી શકશે. તથા ગિફ્ટ સિટીના કર્મચારીઓએ લિકર એક્સેસની મંજૂરી લેવી પડશે.
ગિફ્ટ સિટીમાં અધિકૃત અધિકારી દ્વારા પરમિટ અપાશે
ગિફ્ટ સિટીમાં અધિકૃત અધિકારી દ્વારા પરમિટ અપાશે. નશાબંધી નિયામકે જણાવ્યું છે કે સરકારની સૂચના મુજબ કામગીરી કરશું. અધિકૃત રીતે મુલાકાત લઈ રહેલા મુલાકાતીઓને પરમિશન મળશે. પરમિટ માટે FL3 પ્રકારનું લાયસન્સ મેળવવાનું રહેશે. FL3 લાયસન્સ ધારકે ખરીદેલ જથ્થાની માહિતી રાખવી પડશે. દારૂનું સેવન કર્યા બાદ વાહન ચલાવી શકાશે નહીં. તથા 21 વર્ષથી વધુ વયના વ્યક્તિ જ દારૂનું સેવન કરી શકશે. અન્ય રાજ્યના અને વિદેશી નાગરિકોને પરમિટ અપાશે.
ગિફ્ટ સિટી કલબની મેમ્બરશિપનો ભાવ પણ વધી શકે તેવી શક્યતા
દારૂનું સેવન કરતા વ્યક્તિએ જરૂરી દસ્તાવેજ રાખવા પડશે. તેમજ સમગ્ર વિસ્તાર CCTV સર્વેલન્સમાં રહેશે. લાયસન્સ જે સ્થળનું મંજૂર હોય ત્યાં સેવન કરી શકાશે. જેમાં અન્ય સ્થળે દારૂનું સેવન કરી શકાશે નહીં. રાજ્ય સરકારે ગિફ્ટસિટીમાં દારૂ પીવાની મંજૂરી આપી છે. આ જાહેરાતના પગલે ગિફ્ટ સિટી કલબની ડિમાન્ડ વધી છે. ગિફ્ટ સિટી કલબની મેમ્બરશિપ લેવા માટે ઇન્કવાયકરી વધી ગઇ છે. જાણીને નવાઇ લાગે તેવી વાત એ છે કે, ગુજરાત સરકારની જાહેરાત બાદ માત્ર 48 કલાકમાં જ 107 લોકોએ ગિફ્ટ સિટી કલબની મેમ્બરશિપ મેળવી છે. એવુ જાણવા મળ્યુ છેકે, ડિમાન્ડને પગલે ગિફ્ટ સિટી કલબની મેમ્બરશિપનો ભાવ પણ વધી શકે તેવી શક્યતા છે.
