ઈઝરાયેલી રાજદૂતની ભારતીયોને ભાવુક અપીલ, દિવાળીમાં એક દીવો અમારા નામે પ્રગટાવજો

• ઈઝરાયેલી રાજદૂતનો વીડિયો આવ્યો
  
• ભારતીયોને દિવાળીમાં દીવો પ્રગટાવવા કરી વિનંતી
  
• 1400 ઈઝરાયેલી નાગરિકો માર્યા ગયા
  

ભારતમાં હાલમાં તહેવારોની સિઝન ચાલી રહી છે. 12મી નવેમ્બરે દેશભરમાં દિવાળીનો તહેવાર ઉજવવામાં આવશે. જેના કારણે દરેક લોકો પોતાની શોપિંગ પૂર્ણ કરવામાં વ્યસ્ત છે. આ દરમિયાન ભારતમાં હાજર ઈઝરાયેલના રાજદૂતે ભારતીયોને ખાસ વિનંતી કરી છે. રાજદૂત નાઓર ગિલોને ભારતીયોને હમાસ દ્વારા બંધક બનાવાયેલા ઈઝરાયેલના લોકો માટે ‘આશાનો દીવો’ પ્રગટાવવા વિનંતી કરી છે. ગયા મહિને 7 ઓક્ટોબરે હમાસે અત્યાર સુધીનો સૌથી મોટો આતંકવાદી હુમલો કર્યો હતો જેમાં 1400 ઈઝરાયેલના લોકો માર્યા ગયા હતા. તેણે લગભગ 240 યહૂદીઓને પણ બંધક તરીકે પોતાની સાથે લીધા હતા.

ઈઝરાયેલની સેના હાલમાં ગાઝા પટ્ટીમાં પોતાના નાગરિકોને બચાવવા માટે મોટા પાયે ઓપરેશન ચલાવી રહી છે. ભારતમાં ઇઝરાયેલના રાજદૂત નાઓર ગિલોને સોશિયલ મીડિયા પ્લેટફોર્મ પર એક વીડિયો પોસ્ટ કર્યો છે.’ 

ગિલોને કહ્યું, “અમારા 240 પ્રિયજનોને હમાસના આતંકવાદીઓએ એક મહિનાથી બંધક બનાવી રાખ્યા છે. દરેક દિવાળીએ આપણે દીવા પ્રગટાવીને ભગવાન રામના પુનરાગમનની ઉજવણી કરીએ છીએ. આ દિવાળી 2023, અમે તમને અમારા પ્રિયજનોના પાછા આવવાની આશામાં દીવા પ્રગટાવવા માટે આમંત્રિત કરીએ છીએ. #DiyaOfHope નો ઉપયોગ કરીને અમને ટેગ કરો અને તમારા ફોટા શેર કરો.”

ઈઝરાયેલના રાજદૂતે વધુમાં કહ્યું કે, ‘અમે અઠવાડિયા સુધી રાહ જોઈ અને ગાઝાના નાગરિકોને દક્ષિણ તરફ જવા કહ્યું, પરંતુ હમાસે નાગરિકોનો માનવ ઢાલ તરીકે ઉપયોગ કર્યો. ઇઝરાયેલના રાજદૂતે કહ્યું, “જો અમે હમાસને ખતમ કરવામાં સક્ષમ છીએ, જો અમને સમય મળશે, તો તે તેની વ્યાપક અસર થવાની સંભાવનાને ઘટાડશે.” તમે જુઓ, અમે અઠવાડિયાથી રાહ જોતા હતા અને નાગરિકોને દક્ષિણ તરફ જવા માટે કહી રહ્યા હતા.