દેશભરમાં મતદાતાઓની યાદીને અપડેટ કરવા માટે ચૂંટણી પંચે SIRના બીજા તબક્કાની શરૂઆત કરી દીધી છે. આ અભિયાનના પ્રથમ દિવસે જ 9 રાજ્ય અને 3 કેન્દ્રશાસિત પ્રદેશોમાં 15 લાખથી વધારે ગણતરી ફોર્મ મતદાતાઓના ઘરે-ઘરે પહોંચાડવામાં આવ્યા છે.
51 કરોડ મતદાતા SIRમાંથી પસાર થશે
ચૂંટણી પંચ મુજબ આ અભિયાન બંધારણના અનુચ્છેદ 324 (1) હેઠળ આપવામાં આવેલી શક્તિઓની સાથે જનપ્રતિનિધિત્વ અધિનિયમ 1950 અને મતદાતા રજીસ્ટ્રેશન નિયમ 1960ની જોગવાઈઓ હેઠળ 27 ઓક્ટોબર 2025એ જાહેર કરેલા આદેશ બાદ શરૂ કરવામાં આવ્યું છે. બિહારમાં પ્રથમ તબક્કાની સફળતા બાદ હવે બીજા તબક્કામાં છત્તીસગઢ, ગોવા, ગુજરાત, કેરળ, મધ્યપ્રદેશ, રાજસ્થાન, તમિલનાડુ, ઉત્તરપ્રદેશ અને પશ્ચિમ બંગાળની સાથે અંદમાન-નિકોબાર, લક્ષદ્વીપ અને પુડ્ડુચેરીને સામેલ કરવામાં આવ્યા છે.
4 ડિસેમ્બર 2025 સુધી ચાલશે પ્રક્રિયા
આ 12 રાજ્ય અને કેન્દ્રશાસિત પ્રદેશમાં લગભગ 51 કરોડ મતદાતા SIRમાંથી પસાર થશે. જે 321 જિલ્લાઓ અને 1,843 વિધાનસભા વિસ્તારમાં ફેલાયેલા છે. ગણતરીના તબક્કાનો સમય 4 નવેમ્બરથી શરૂ થઈને 4 ડિસેમ્બર 2025 સુધી ચાલું રહેશે. આ દરમિયાન દરેક મતદાતાને એક વિશિષ્ટ ફોર્મ ઉપલબ્ધ કરાવવામાં આવશે, જે આશિંક રીતે પહેલાથી જ ભરેલું હશે. પંચે જણાવ્યું કે તમામ રાજ્યમાં 100 ટકા ઈએફ ફોર્મ છપાઈ ચુક્યા છે અને વિતરણની પ્રક્રિયા શરૂ થઈ ચૂકી છે.
5.3 લાખથી વધારે BLO મેદાનમાં
આ મોટા અભિયાનને વ્યવસ્થિત રીતે સંચાલિત કરવા માટે 5.3 લાખથી વધારે બૂથ લેવલ અધિકારી, 7.64 લાખ બૂથ લેવલ એજન્ટ, 10,448 ERO/AERO અને 321 DEOની નિમણૂક કરવામાં આવી છે. BLO ગણતરી ફોર્મના વિતરણ અને કલેક્શન માટે મતદાતાઓના ઘરે 3 વખત જશે.
