- બોગસ બીલથી 2 કરોડ 36 લાખની વેરાશાખ લીધી હતી
- અલગ અલગ પેઢીઓના બોગસ સિક્કા મળી આવ્યા
- ભાવનગરના કિટાવાલા બ્રધર્સ વિરુદ્ધ ફરિયાદ દાખલ
ભાવનગર એસજીએસટીના અન્વેષણ વિભાગે વડવામાં રેડ કરી હતી. ભાવનગરના એસજીએસટી અન્વેષણ વિભાગના અધિકારી દ્વારા નિલમબાગ પોલીસ મથકમાં ફરિયાદ નોંધવામાં આવી હતી. ભાવનગરના નિલમબાગ પોલીસ મથકે એસજીએસટી વિભાગના અધિકારઓ દ્વારા કિટાવાલા ભાઈઓ સામે ફરિયાદ નોંધવામાં આવી હતી.
નિલમબાગ પોલીસ મથકે ફરિયાદ
મળતી માહિતી મુજબ, ભાવનગર એસજીએસટીના અન્વેષણ વિભાગે વડવામાં રેડ કરી હતી. એસજીએસટી વિભાગના અધિકારઓએ ભાવનગરના કિટાવાલા ભાઈઓ વિરુદ્ધ નિમલબાગ પોલીસ મથકમાં ફરિયાદ નોંધાવી હતી. ભાવનગરના અમીન અને હનિફ કિટાવાલા સામે બોગસ પેઢીઓ બનાવીને કરોડોથી વધુના કૌભાંડ કરવાનો કેસ દાખલ કરવામાં આવ્યો હતો.
10 કરોડનું કૌભાંડ
ભાવનગરના અમીન અને હનિફ કિટાવાલાએ બોગસ પેઢીઓ બનાવીને અધધ રુપિયા 10 કરોડ કરતા વધુની રકમના બોગસ બીલો બનાવીને જીએસટીની ચોરી કરી હતી. એસજીએસટી વિભાગના અધિકારાઓને તપાસ દરમિયાન ધ્યાનમાં આવતાં રેડ કરી હતી. રેડ દરમિયાન બંને ભાઈઓ પાસેથી લેપટોપ, મોબાઈલ તેમજ બોગસ પેઢીના લેટર અને અલગ અલગ પેઢીઓના બોગસ સિક્કા સહિતની ચીજવસ્તુઓ મળી આવી હતી. જેનો કબજો લઈને વધુ તપાસ અર્થે લેવામાં આવી છે.
2 કરોડ 36 લાખની વેરાશાખ લીધી હતી
અમીન અને હનીફ કિટાવાલા એમ બંને ભાઈઓએ મળીની 10 કરોડના બોગસ બિલિંગ કર્યાં હતા અને 2 કરોડ 36 લાખની ખોટી વેરાશાખ લીધી હતી. જેન લઈને એસજીએસટી વિભાગે શંકાને આધારે તપાસ આદરી હતી જેમાં ખોટા વ્યવહારો થતાં હોવાથી નિલમબાગ પોલીસ મથકમાં બંને ભાઈઓ વિરુધ્ધ ફરિયાદ નોંધીને કાયદેસરની કાર્યવાહી હાથ ધરી હતી.
