વીવીપી ઇજનેર કોલેજ દ્વારા મેરીટ આધારીત પ્રવેશ સ્કોલરશીપનો પ્રારંભ

વીવીપી ઇજનેર કોલેજ દ્વારા મેરીટ આધારીત પ્રવેશ સ્કોલરશીપનો પ્રારંભ

ગુણ હશે તેને રૂપિયા ૧૦૦ સાથે ગુણી અને જે રકમ આવશે તેટલી શિષ્યવૃત્તિ અપાશે

અગ્ર ગુજરાત, રાજકોટ

યુક્રેન – રશિયા, ઈરાન – ઇઝરાયલ – અમેરિકા વચ્ચે યુદ્ધની પરિસ્થિતિ અને અન્ય અનેક વૈશ્વિક પરિબળોને કારણે પેટ્રોલ – ડીઝલના ભાવ વધતા, ડોલર સામે રૂપિયો નબળો પડતા મોંઘવારીએ માઝા મૂકી છે. મધ્યમ વર્ગ માટે આવક –  ખર્ચ વચ્ચે સંતુલન સાધવું અઘરું બની રહ્યું છે.  ઉચ્ચ અભ્યાસક્રમની ઊંચી ફી ના કારણે વાલીઓ માટે હોશિયાર બાળકોને ભણાવવું અશક્ય બની રહ્યું છે.

હંમેશ ની જેમ આવા કપરા સમયમાં વી.વી.પી. એન્જિનિયરિંગ કોલેજ વિદ્યાર્થીઓ અને વાલીઓની મદદથી આવી છે. હોશિયાર અને મહેનતુ વિદ્યાર્થી વી.વી.પી. માં કોઈપણ જાતની ફી વિના એન્જિનિયરિંગ કરી શકે એવી અનેક સ્કોલરશીપ વી.વી.પી. એ અમલમાં મૂકી છે.  વી.વી.પી. ને 30 વર્ષો પૂર્ણ થયા છે. સૌરાષ્ટ્ર- કચ્છની સર્વપ્રથમ સેલ્ફ ફાઇનાન્સ ડિગ્રી એન્જિનિયરિંગ કોલેજ હોવા છતાં વી.વી.પી. ની ફી મધ્યમ વર્ગને પોસાય એવી છે.

વી.વી.પી.માં પ્રથમ વર્ષ ડિગ્રીમાં પ્રવેશ મેળવનાર વિદ્યાર્થીઓને જેટલા મેરીટ માર્ક્સ હોય તેને રૂપિયા 100 થી ગુણવાથી જે રકમ આવશે એટલા રૂપિયાની સ્કોલરશીપ વિદ્યાર્થીને આપવામાં આવશે.  ઉદાહરણ તરીકે 95 મેરીટ માર્ક્સ ધરાવતા વિદ્યાર્થીને રૂપિયા 95×100 = રૂપિયા 9500/- ની સ્કોલરશીપ આપવામાં આવશે એ જ રીતે ડિપ્લોમામાં પ્રથમ વર્ષમાં પ્રવેશ મેળવનાર વિદ્યાર્થીને મેરીટ માર્ક્સ ને 50 થી ગુણવાથી જે જવાબ આવે એટલી રકમની સ્કોલરશીપ આપવામાં આવશે. ઉદાહરણ તરીકે 96 મેરિટમાર્ક ધરાવતા વિદ્યાર્થીને 96×50 = 4800/- રૂપિયા ની સ્કોલરશીપ આપવામાં આવશે.

વધુ ઉલ્લેખનીય એ છે કે વિધાર્થી જે ફી માં પ્રવેશ મેળવશે એ જ ફી સમગ્ર અભ્યાસક્રમ દરમિયાન લાગુ રહેશે. મોંઘવારી કે ફુગાવાના કારણે કોલેજ ફી માં કોઈ વધારો નહીં થાય.

વીવીપી દ્વારા પરિણામ આધારિત, લેપટોપ સબસીડી, ટ્રાન્સપોર્ટેશન સબસીડી, રીસર્ચ પુરસ્કાર, ફ્રી થેલેસેમિયા ટેસ્ટ, બુક બેંક – ટૂલ બેંક અને વીમા યોજના ચલાવવામાં આવે છે.

ઉપરોક્ત અનેક સ્કોલરશીપ ઉપરાંત સ્પોર્ટ્સ સહાય, એન.સી.સી, એન.એસ.એસ., કોલેજના wi-ifi નો વિનામૂલ્યે ઉપયોગ, સ્ટેશનરી સ્ટોરમાં બજારભાવ કરતા ઓછી કિંમતે સ્ટેશનરી- ઝેરોક્ષ-પ્રિન્ટ, સર્વાંગી વિકાસ માટે ડ્રામા-મ્યુઝિક-થિયેટર- લિટરેચર-ડાન્સ ક્લબમાં વિનામૂલ્યે ટ્રેનિંગ, કોમ્પ્યુટર સેન્ટર-લાઇબ્રેરી- વર્કશોપમાં કોઈપણ જાતના વધારાના ખર્ચ વિના સુવિધાઓ, સ્કીલ ડેવલપમેન્ટ પ્રોગ્રામ, ઇન્ડસ્ટ્રીયલ વિઝીટ, ઇન્ડસ્ટ્રીયલ ટુર, કોલેજના ડોમેઈન વાળું મેઈલ આઈ.ડી. કે જેથી માઈક્રોસોફ્ટ ઓફિસના લાઇસન્સ સોફ્ટવેરનો વિનામૂલ્ય ઉપયોગ વગેરે આવી અનેક યોજના વી.વી.પી.માં અમલમાં છે.

શિક્ષણ, પરિણામ, પ્લેસમેન્ટ, સ્કોલરશીપ, સબસીડી વગેરે અનેક પાસાઓની વિસ્તૃત જાણકારી માટે વી.વી.પી.ના ટ્રસ્ટીઓ કૌશિકભાઇ શુક્લ, હર્ષલભાઈ મણીયાર, ડો. સંજીવભાઈ ઓઝા, ડો. નરેન્દ્રભાઈ દવે, ડો. નવીનભાઈ શેઠ અને વી.વી.પી.ના આચાર્ય ડો. પિયુષભાઈ વણઝારા એ વી.વી.પી.ની રૂબરૂ મુલાકાત લેવા નિમંત્રણ પાઠવ્યું છે. રજાના દિવસોમાં પણ સવારે 9:00 થી 1.00 દરમિયાન કોલેજ કાર્યરત છે.