ઉના પંથકમાં 13 વર્ષની સગીરા પર દુષ્કર્મ, લગ્નની લાલચે ગર્ભવતી બનાવી
સુરતમાં મામાના ઘરે પેટમાં દુખાવો થતાં હોસ્પિટલમાં લઈ જતાં સામે આવેલો બનાવ : ઉના પોલીસે આરોપી અશોકને ગામમાંથી દબોચ્યો
અગ્ર ગુજરાત, ઉના
ઉના તાલુકાના છેવાડાના એક ગ્રામ્ય વિસ્તારમાં માનવતા ને શર્મસાર કરતી ઘટના સામે આવી છે. ગામ ના જ એક નરાધમ અશોક અરજણ પરમારે 13 વર્ષ 24 દિવસની માસૂમ બાળકીને લગ્નની લાલચ આપી વારંવાર દુષ્કર્મ આચરી 18 અઠવાડિયાનો ગર્ભ રાખી દીધો હોવાની ફરિયાદ નોંધાતા પંથકમાં ચકચાર મચી ગઈ છે. ઉના પોલીસે આરોપીની ધરપકડ કરી કાયદેસર ની કાર્યવાહી હાથ ધરી છે.
પ્રાપ્ત વિગત મુજબ ભોગ બનનાર તેના મામાના ઘરે ગઈ હતી. ત્યાં રોકાણ દરમિયાન અચાનક પેટમાં સખત દુખાવો ઉપડતા મામા-મામી તેને હોસ્પિટલમાં સારવાર માટે લઈ ગયા હતા.તબીબે સગીરાનું પરીક્ષણ કરતા તેઓપણઅચંબા માં પડી ગયા. તબીબે મામાને જણાવ્યું કે,બાળકીના પેટમાં 18 અઠવાડિયાનો ગર્ભ છે. આ શબ્દો સાંભળતા જ ગરીબ પરિવાર પર આભ ફાટી પડ્યું હોય તેમ સૌ મૂંઝાઈ ગયા હતા.તાત્કાલિક વતનમાં માતાપિતાનેજાણ કરાતા તેઓ દોડી આવ્યા હતા. માસૂમે આપવીતી જણાવતા માતા ભાંગી પડી હતી.
આરોપી અશોક અરજણ પરમારે સગીરાસાથેમિત્રતા કેળવી હતી. ત્યારબાદ એકલી બોલાવી લગ્નની લાલચ આપી વારંવાર દુષ્કર્મ આચરતો રહ્યો હતો. 13 વર્ષની માસૂમ સંમતિ આપવા અસમર્થ હોવા છતાં નરાધમે હવસ સંતોષી હતી.ઘટનાની ગંભીરતા જોતા પરિવાર પોલીસ સ્ટેશને પહોંચ્યો હતો. ત્યાંનરાધમ અશોક વિરુદ્ધ ઝીરો નંબરથી ફરિયાદ નોંધીઉનાપોલીસ ને મોકલવામાં આવી હતી.
ફરિયાદ મળતા જ ઉના પોલીસ સ્ટેશનના PSI બોરીચા એ તાત્કાલિક કાર્યવાહી કરી આરોપીને તેના ગામમાંથી જ ઝડપી લીધો હતો. પોક્સો એક્ટ સહિતની કડક કલમો હેઠળ ગુનો નોંધી ધોરણસરની કાર્યવાહી હાથ ધરાઈ છે.પોલીસે ભોગ બનનાર સગીરાનું તબીબી પરીક્ષણ કરાવવાની પ્રક્રિયા હાથ ધરી છે. DNA ટેસ્ટ સહિતના પુરાવા એકત્ર કરવામાં આવી રહ્યા છે. બાળ કલ્યાણ સમિતિ ને પણ જાણકરીસગીરાનાકાઉન્સેલિંગ ની વ્યવસ્થા કરાઈ છે.
પોલીસ અધિકારીએ જણાવ્યું કે,આરોપીનીપૂછપરછ ચાલુ છે. સગીરા વિરુદ્ધના ગુનામાં ઝડપી ચાર્જશીટ કરી કોર્ટમાં કેસ ચલાવી કડક સજા અપાવીશું. આવા નરાધમોને કોઈ કાળે છોડાશે નહીં. નરાધમ પરણિત હોય તેની પત્ની પણ ગર્ભવતી છે . સગીરા ને લાલચ આપીને દુષ્કર્મ આચરનાર નરાધમ શખ્શ 30 વર્ષ નો પરણિત હોય તેની પત્નિ પણ ગર્ભવતી હોવાનું બહાર આવ્યું છે.
