વિરપુર-જામકંડોરણામાં ચાલુ વીજલાઇનના વાયર ચોરતી ગેંગ ઝડપાઈ
6 આરોપી પકડાયા, ₹15.27 લાખનો મુદ્દામાલ જપ્ત, 3 ફરાર
અગ્ર ગુજરાત, વિરપુર
રાજકોટ ગ્રામ્ય જિલ્લાના વિરપુર અને જામકંડોરણા પંથકમાં જી.ઈ.બી.ની ચાલુ વીજલાઇનના એલ્યુમિનિયમ વાયરોની ચોરી કરતી આંતરજિલ્લા ટોળકીનો રાજકોટ ગ્રામ્ય LCBએ પર્દાફાશ કર્યો છે. સ્થાનિક સ્વરાજની ચૂંટણી અન્વયે વણશોધાયેલા ચોરીના ગુન્હાઓ શોધી કાઢવાની ઝુંબેશ દરમિયાન LCBની ટીમ પેટ્રોલિંગમાં હતી ત્યારે મળેલી ખાનગી બાતમીના આધારે કાગવડ ગામના પાટિયા પાસે વોચ ગોઠવી 6 શખ્સોને ચોરીના મુદ્દામાલ સાથે ઝડપી પાડવામાં આવ્યા હતા.
પોલીસે (1) પ્રતાપસિંહ પુનમસિંહ દેવીસિંહ ચૌહાણ, રહે. નાઇકલા થાણા-જવાયા, તા. બ્યાવર, જી. બ્યાવર, હાલ રહે. નાગબાઇની ધાર પાસે જામકંડોરણા, (2) ગોપાલસિંહ લક્ષ્મણસિંહ રાવત, રહે. બડ કોઠડા તા. બ્યાવર, જી. બ્યાવર, હાલ રહે. નાગબાઇની ધાર પાસે જામકંડોરણા, (3) ભગવાનસિંહ ગોપાલસિંહ ચૌહાણ, રહે. નાઇકલા થાણા-જવાયા, તા. બ્યાવર, જી. બ્યાવર, હાલ રહે. નાઇબાઇની ધાર પાસે જામકંડોરણા, (4) શોભાગસિંહ નવલસિંહ રાવત, રહે. નાઇકલા થાણા-જવાયા, તા. બ્યાવર, જી. બ્યાવર, હાલ રહે. નાગબાઇની ધાર પાસે જામકંડોરણાની ધરપકડ કરી છે. આ ઉપરાંત ચોરીના વાયરોના વેચાણમાં મદદગારી કરનાર (5) સાજીદભાઇ લતીકભાઇ પારેખ, રહે. લાઠી સેતા પાટી, જી. અમરેલી અને (6) નાશીર ઉર્ફે ટીનો ઓસમાણભાઇ અલીશેરભાઇ સેતા, ઉ.વ. 35, રહે. લાઠી પાણીના ટાંકા પાસે, જી. અમરેલી વાળાને પણ પકડવામાં આવ્યા છે.
આ ગુનામાં સંડોવાયેલા (7) સરફરાજભાઇ કડારીયા રહે. બાબરા ગામ, (8) મુસ્તાકભાઇ ઈસ્માઇલભાઇ ઘાંચી, ઉ.વ. 39, રહે. અમરાપરા ગામ તા. બાબરા જી. અમરેલી તથા (9) ગોપાલસિંહ મોહનસિંહ સુરાડીયા, રહે. હાલ હરીયાસણ ગામ, મુળ ગામ પીપલી બાડીયા, જી. અજમેર, રાજસ્થાન વાળાને પકડવાના બાકી છે.
ટોળકી રાતના સમયે જામકંડોરણા અને વિરપુર વિસ્તારમાં જી.ઈ.બી.ના ચાલુ વીજપ્રવાહને વડે બંધ કરી કટર વડે થાંભલા પરથી એલ્યુમિનિયમના વાયરો કાપી લેતી હતી. ચોરી કરેલા વાયરો ગ્રે કલરની ગોળ ફોડલા વાળી બોલેરો પીકઅપ વાહન નં. GJ-04-AW-9520માં ભરી કિયા કાર નં. GJ-03-LM-0051 વડે પાયલોટીંગ કરી બાબરા ગામ ખાતે લઇ જવામાં આવતા હતા. પોલીસ તપાસમાં ખૂલ્યું કે આ ગેંગે તા. 10/04/2025ના રોજ જામકંડોરણા તાલુકાના રામપર ગામના પાટિયા નજીકથી, તા. 15/04/2025ના રોજ આંચવડકી-ફરીયાસણ તરફ સીમમાં અને તાજેતરમાં વિરપુર તાલુકાના ચોરાળા ગામની સીમમાં પી.જી.વી.સી.એલ.ના થાંભલા ઉપરથી વાયર કાપી કુલ ત્રણ જગ્યાએ ચોરી કરી હતી. ચોરેલા વાયર સાજીદ પારેખ તથા સરફરાજભાઇ બાબર વાળા મારફતે બાબરાના મુસ્તાકભાઇ ચોટલીયાને વેચી નાખવામાં આવતા હતા.
LCBએ આરોપીઓ પાસેથી રોકડા રૂ. 1,14,000/-, એક કિયા કાર કિં. રૂ. 7,00,000/-, બોલેરો પીકઅપ વાહન કિં. રૂ. 5,00,000/-, 320 કિલોગ્રામ એલ્યુમિનિયમ વાયર કિં. રૂ. 1,63,200/-, એક મોટરસાયકલ નં. RJ-36-SN-1981 કિં. રૂ. 20,000/-, મોબાઇલ ફોન નંગ-5 કિં. રૂ. 30,000/- અને વાયર કાપવાના કટર નંગ-2 કિં. રૂ. 100/- મળી કુલ રૂ. 15,27,300/- નો મુદ્દામાલ કબજે કર્યો છે.
આ કામગીરીમાં પીઆઇ વી.વી. ઓડેદરા તથા પીએસઆઇ કે.એમ. ચાવડા, એચ.સી. ગોહીલ, આર.વી. ભીમાણી તથા એ.એસ.આઇ. બાલકૃષ્ણભાઇ ત્રિવેદી, ભાવેશભાઇ ચાવડા, અનિલભાઇ બળકોડીયા, પો.હેડ કોન્સ. અરવિંદસિંહ જાડેજા, મનિષભાઇ વરૂ, રમણીકભાઇ મણવર, અર્જુનભાઇ ડવેરા, મનદીપસિંહ જાડેજા, ધર્મેન્દ્રભાઇ ચાવડા, પો.કોન્સ. શક્તિસિંહ જાડેજા, નીલજીભાઇ સુતરીયા, ઇશ્વીતભાઇ માણાવદરીયા, શક્તિસિંહ ઝાલા, ભરતભાઇ ગમારા, ભાવેશભાઇ મકવાણા, વિજયભાઇ કિહોર તથા ડ્રા.પો.કોન્સ. અબ્દુલભાઇ શેખ સહિતનો સ્ટાફ જોડાયો હતો.
