ચુસ્ત પોલીસ બંદોબસ્ત વચ્ચે EVM સ્ટ્રોંગરૂમમાં સીલ
ગઇકાલે સ્થાનિક સ્વરાજયની ચૂંટણીનું મતદાન શાંતિપૂર્ણ માહોલમાં પૂર્ણ થતા તમામ ઇવીએમ મશીનોનો કબ્જો તંત્રએ લઇ લીધો હતો અને તમામ ઇવીએમ મશીનોને સ્ટ્રોંગરૂમમાં સીલ કરી દેવામાં આવ્યા છે. સ્ટ્રોંગરૂમ પાસે પોલીસ દ્વારા ચુસ્ત બંદોબસ્ત ગોઠવી દેવામાં આવ્યો છે. જયારે પોલીસ દ્વારા સતત દેખરેખ રાખવામાં આવી રહી છે. આવતીકાલે મતગણતરીના દિવસે પોલીસની નીગરાનીમાં મશીનો મતગણતરી સ્થળે લઇ જવાને પોલીસ દ્વારા આવતીકાલે પણ અલગથી પોલીસનો બંદોબસ્ત ગોઠવવામાં આવશે. હાલ તમામ સ્ટ્રોંગરૂમની સમયાંતરે પોલીસ અને વહિવટી તંત્રના ઉચ્ચ અધિકારીઓ દ્વારા મુલાકાત કરવામાં આવી રહી છે અને તમામ કામગીરીનું નિરીક્ષણ કરવામાં આવી રહ્યું છે. ઉલ્લેખનીય છે કે આવતીકાલે ઇવીએમમાંથી ઉમેદવારોના ભાવીનો ફેંસલો થશે.
