ઓછુ મતદાન છતાં શહેરીકરણ કરતા વધુ નોંધાયુ
રાજકોટ જિલ્લા પંચાયતમાં ૫૮.૯૮ અને તાલુકા પંચાયતમાં ૬૦.3૬ ટકા મતદાન
ગત વર્ષ કરતા ૪.3૨ ટકા ઓછુ વોટીંગ : ૨૦૧૫થી સતત મતદાનમાં ઘટાડો : બેડલા જિલ્લા પંચાયતની સીટ પર સૌથી વધુ ૭પ. 3૧ ટકા મત પડયા : બે સ્થળે સીયુ બદલાયા
અગ્ર ગુજરાત, રાજકોટ
રાજ્યભરમાં સ્થાનિક સ્વરાજ્યની સંસ્થાઓની ચૂંટણી અંતર્ગત રાજકોટ જિલ્લામાં શાંતિપૂર્ણ માહોલમાં મતદાન પ્રક્રિયા સંપન્ન થઈ હતી. ક્યારે ભાજપ તો ક્યારેક કોંગ્રેસને રાજકોટ જિલ્લા પંચાયતની શાસનધૂરા સોંપતા મતદારોમાં થોડો ઓછો ઉત્સાહ જોવા મળ્યો હતો. અગાઉ ૨૦૧૫માં ૬૭ ટકા અને ૨૦૨૧માં ૬૩.૩૦ ટકા મતદાન થયું હતું, જેની સરખામણીએ ગઇકાલે ૫૮.૯૮ ટકા એટલે કે પાંચ-સાત ટકા ઓછા મત પડયા હતા. બીજી તરફ આજે વિવિધ રાજકીય પક્ષોના મજબૂત વિસ્તારોમાં થયેલા મતદાનની પેટર્ન અને તેનાથી વિધાનસભા કે કે લોકસભાની ચૂંટણીઓ પર પ્રભાવ પડી શકે છે.
રાજકોટ જિલ્લો, જે સૌરાષ્ટ્રના રાજકારણનું કેન્દ્રબિંદુ ગણાય છે, ત્યાં જિલ્લા પંચાયતની ૩૬ બેઠકો અને ૧૧ તાલુકા પંચાયતોમાં થયેલું મતદાન અનેક સ્તરે રાજકીય સંકેતો આપે છે. જિલ્લા પંચાયતમાં ૫૮.૯૮ ટકા અને તાલુકા પંચાયતમાં ૬૦.૩૬ ટકા મતદાન નોંધાયું છે. જિલ્લા પંચાયતની વાત કરીએ તો પુરુષ મતદારોમાં ભારે ઉત્સાહ જોવા મળ્યો હતો, જેમાં ૬૩.૮૫ ટકા પુરુષોએ મતદાન કર્યું હતું. તેની સામે સ્ત્રી મતદારોની ટકાવારી ૫૩.૬૬ ટકા રહી હતી. પુરુષ અને સ્ત્રી મતદાન વચ્ચે અંદાજે ૧૦ ટકાનો તફાવત છે. આ તફાવત સૌરાષ્ટ્રના સામાજિક માળખામાં મહિલાઓની રાજકીય સક્રિયતા અંગે પ્રશ્નો ઉભા કરે છે. જો કે, ૫૦ ટકા મહિલા આરક્ષણને કારણે મહિલા પ્રતિનિધિઓ મેદાનમાં છે, પરંતુ અહીં મહિલાના નામે પુરુષ સભ્યો વહીવટ કરે છે, એ પ્રોક્સી રાજકારણ હજુ પણ પ્રચલિત છે. વળી, ૨૦૨૨ની વિધાનસભામાં ૬૪.૮૪ ટકા મતદાન થયું હતું, તેની સરખામણીએ સ્થાનિક સ્તરે ઉત્સાહ કંઈક અંશે ઓછો જણાય છે.
મુખ્ય બેઠકોની સ્થિતિ જોઈએ તો બેડલા જિલ્લા પંચાયત સીટ પર સૌથી વધુ ૭૫.૩૧ ટકા મત પડયા હતા. જ્યારે બીજી ટર્મના મહિલા પ્રમુખની કુવાડવા સીટ પર પણ ૭૪.૩૧ ટકા જેટલું ઊંચું મતદાન થયું છે. બીજી તરફ લોધિકા સીટ પર પ્રમાણમાં ઓછું એટલે કે ૪૧.૪૧ ટકા મતદાન નોંધાયું હતું. જિલ્લા પંચાયતની ૩૬ બેઠકો પર નોંધાયેલા ૯,૫૬, ૫૭૫ મતદારો પૈકી ૫,૬૪,૧૪૮ મતદારોએ મતદાન કર્યું હતું. રાજકોટ
જિલ્લામાં એકંદરે જોતા ગ્રામીણ વિસ્તારોમાં શહેરી કે અર્ધ-શહેરી વિસ્તારોની સરખામણીએ મતદાનનું પ્રમાણ વધુ જોવા મળ્યું છે. ચૂંટણી દરમિયાન ઈવીએમમાં ટેકનિકલ ખામી સર્જાતા જિલ્લા પંચાયતની ચૂંટણીમાં કુલ ૨ સી.યુ. બદલવાની ફરજ પડી હતી. સમગ્ર પ્રક્રિયા દરમિયાન માત્ર શીવરાજગઢ બેઠક પર થોડો હોબાળો થયો હતો, બાકીની તમામ બેઠકો પર મતદાન શાંતિપૂર્ણ રહ્યું હતું. આજે તમામ ઉમેદવારોના ભાવિ ઈવીએમમાં સીલ થયા છે અને તા.૨૮મીએ મંગળવારે મતગણતરી સાથે જનાદેશ આવશે.
રાજકોટ જિલ્લાની ૧૧ પંચાયતમાં થયેલ મતદાન
બેઠક ચૂંટણીપાત્ર બેઠક મતદાન
ધોરાજી ૧૫ ૫૬.૮3
ઉપલેટા ૧૮ ૫૮.૭૦
જસદણ ૨૨ ૬૦.૭૦
વિંછીયા ૧૮ ૬૦.૦૧
જેતપુર ૨૦ ૫૪.૬૬
જામકંડોરણા ૧3 ૫૧.૨૯
ગોંડલ ૨૧ ૫3. 3૬
લોધિકા ૧૬ ૬૯.૦૭
રાજકોટ ૨૨ ૭૨.૧૦
પડધરી ૧૬ ૬૬.૮૨
કોટડાસાંગાણી ૧૬ ૬૦. 3૦
