ઉના નગરપાલિકા પર ભાજપનો અવિરત કેસરિયો: 36 બેઠક પર ક્લીન સ્વીપ
ધારાસભ્ય કે.સી. રાઠોડનું 25 વર્ષથી અતૂટ શાસન યથાવત, એકલા હાથે ચૂંટણી લડીને ભવ્ય વિજય
લોકગાયિકા રાજલ બારોટ સહિત 8 મુસ્લિમ ઉમેદવારો પણ જીત્યા
અગ્ર ગુજરાત, ઉના
ઉના નગરપાલિકાની સામાન્ય ચૂંટણી-2026માં ભારતીય જનતા પાર્ટીએ ઐતિહાસિક જીત નોંધાવી છે. ધારાસભ્ય કાળુભાઈ રાઠોડના નેતૃત્વમાં એકલા હાથે લડાયેલી આ ચૂંટણીમાં ભાજપે તમામ 36 બેઠક પર એકતરફી વિજય મેળવીને ‘ક્લીન સ્વીપ’ કર્યો છે. આમ આદમી પાર્ટી અને કોંગ્રેસનું ખાતું પણ ખુલ્યું નથી.
વિરોધીઓના આક્ષેપો, પડકારો અને બૂમરાણ વચ્ચે યોજાયેલી આ ચૂંટણીમાં ધારાસભ્ય કે.સી. રાઠોડે રાજ્ય કે જિલ્લાના કોઈ મંત્રી કે નેતાની હાજરી વગર એકલા હાથે મોરચો સંભાળ્યો હતો. પરિણામે વોર્ડ નંબર 1 થી 9 સુધીની તમામ 36 બેઠકો પર ભગવો લહેરાયો છે.
ઉલ્લેખનીય છે કે ઉના નગરપાલિકા પર ધારાસભ્ય કાળુભાઈ રાઠોડનું છેલ્લા 25 વર્ષથી એકહથ્થુ શાસન છે. શહેરના દરેક વિસ્તારમાં થયેલા લોકોપયોગી વિકાસ કાર્યો અને જનતાની સેવાના કારણે પ્રજામાં મળેલી લોકચાહનાએ આ વખતે પણ ભાજપને ભવ્ય વિજય અપાવ્યો છે. વિપક્ષની રણનીતિ નિષ્ફળ રહી હોય તેમ આ વખતે ભાજપ સામે લડવા આપ અને કોંગ્રેસે અંદરખાને હાથ મિલાવીને દરેક વોર્ડમાં ઉમેદવારો ઉભા રાખ્યા હતા. પરંતુ ચૂંટણીના પ્રારંભે જ કોંગ્રેસના શહેર પ્રમુખનું ફોર્મ રદ થયું હતું. સાથે જ આપના 13 ઉમેદવારોના ફોર્મ ટેકનિકલ કારણોસર રદ થતા વિપક્ષને મોટો ફટકો પડ્યો હતો.વોર્ડ નંબર 2ની ચારેય, વોર્ડ નંબર 3માં 2 અને વોર્ડ નંબર 5માં 1 બેઠક બિનહરીફ થતાં કુલ 28 બેઠકો પર મતદાન યોજાયું હતું.
પ્રાંત અધિકારી કૌશિકભાઈ પરમારની સીધી દેખરેખ હેઠળ ઉના યોગા કેન્દ્ર ખાતે સવારે 8 વાગ્યે મતગણતરી શરૂ થઈ હતી.વોર્ડ નં. 1: અફસાનાબેન રજાકભાઈ કાસમાણી 2881, શિવાનીબેન ભાવેશભાઈ વાજા 2486, નિહાદ યુસુફભાઈ રીંદ બ્લોચ 2679, વિનોદભાઈ મનુભાઈ બાંભણીયા 2617 મતે વિજેતા.
વોર્ડ નં. 2: ચારેય ઉમેદવાર અગાઉ બિનહરીફ જાહેર
વોર્ડ નં. 3:* અબ્દુલ્લા ઉસ્માન શેખ 1992, મહંમદ સોહિલ રફીક કચરા 1874 મતે વિજેતા.વોર્ડ નં. 4: ધનશ્યામ મનસુખલાલ જોશી 1455, જ્યોત્સનાબેન હરેશકુમાર વેકરીયા 1384, દિલીપભાઈ મોહનભાઈ ઠક્કર 1364, બ્રિજલબેન વિપુલભાઈ દાવડા 1246 મતે વિજેતા.વોર્ડ નં. 5: અસ્મિતાબેન મહેશકુમાર બાંભણીયા 2812, અશ્વિનભાઈ રાજાભાઈ ડાભી 2761, જલ્પાબેન જયંતિલાલ બાંભણીયા 2415 મતે વિજેતા, ગિરીશભાઈ પરમાર બિનહરીફ.વોર્ડ નં. 6: બિંદુબેન ગીરીશભાઈ તન્ના 1789, મિતેશભાઈ હરકિશન શાહ 1702, વેપારી અગ્રણી હોતચંદ બ્રહ્માનંદ સોમજાની 1678 મતે વિજેતા.વોર્ડ નં. 7: કિરણબેન ધનસુખભાઈ બાંભણીયા 2243, કેયુરભાઈ દેવચંદભાઈ મૈયા 2091, પરેશભાઈ બાબુભાઈ બાંભણીયા 2159 અને લોકપ્રિય સિંગર રાજલબેન અલ્પેશભાઈ બારોટ 2313 મતે વિજેતા.વોર્ડ નં. 8: દર્શનાબેન મયંકભાઈ જોશી 1860, ભારતિબેન મથુર ભાઈ બાંભણીયા 1752, મનોજભાઈ છગનભાઈ બાંભણીયા 1866, હિરેનચંદ નવલભાઈ જોશી 1689 મતે વિજેતા.વોર્ડ નં. 9:* જશુમતિબેન ચિમનગીરી ગૌસ્વામી 2613, બાબુભાઈ કાનાભાઈ ડાભી 2605, ભુપતભાઈ રણસીભાઈ બાંભણીયા 2522, હર્ષાબેન ભોળુભાઈ રાઠોડ 2222 મતે વિજેતા. ઉના નગરપાલિકાની ચૂંટણીમાં ભાજપ પ્રેરિત 8 મુસ્લિમ ઉમેદવારોએ પણ જ્વલંત વિજય મેળવ્યો છે, જે ભાજપની સર્વસમાવેશક નીતિ દર્શાવે છે.
ધારાસભ્ય કાળુભાઈ રાઠોડ એ જ્વલંત વિજય બદલ નગરજનો નો આભાર વ્યક્ત કર્યો
ભવ્ય વિજયને વધાવતા ધારાસભ્ય કાળુભાઈ રાઠોડે જણાવ્યું કે, “આ જ્વલંત વિજય પ્રજાનો ભાજપ પ્રત્યેનો અતૂટ વિશ્વાસ છે. કેન્દ્ર અને રાજ્ય સરકાર દ્વારા ઉના શહેરને નંદનવન બનાવવા તથા છેવાડાના માનવી સુધી વિકાસ પહોંચાડવાના કાર્યોને લોકોએ આવકાર્યા છે. સતત છઠ્ઠી વાર સંપૂર્ણ બહુમતી ધરાવતી નગરપાલિકા બનાવીને પ્રજાએ અમારા પર વિશ્વાસ મૂક્યો છે, તે બદલ ઉનાના નગરજનોનો હૃદયપૂર્વક આભાર.”આમ, ઉના નગરપાલિકાના દરેક વોર્ડમાં ભાજપનો એકતરફી ભવ્ય વિજય થતાં આમ આદમી પાર્ટીનો સફાયો થયો છે અને વિરોધી છાવણી માં સન્નાટો વ્યાપી ગયો છે.
