- એપલ તરફથી નોટિફિકેશનને લઇને ગરમાયુ રાજકારણ
- વિપક્ષ કરી રહ્યું છે સરકાર પર આક્ષેપો
- ટિપ્પણીઓ કરવાને બદલે પોતાની નબળાઇ જુએ- કોંગ્રેસ
ભારતના વિરોધ પક્ષોના ઘણા ટોપના નેતાઓને Apple તરફથી નોટિફિકેશનો મળી છે. જેમાં લખ્યું છે કે ‘Apple માને છે કે તમને State Sponsored Attack દ્વારા નિશાન બનાવવામાં આવી રહ્યા છે. જેઓ તમારા એપલ આઈડી સાથે જોડાયેલા આઈફોનને જોખમમાં નાખવાનો પ્રયાસ કરી રહ્યા છે. ટેક્નોલોજી કંપની Apple એ મંગળવારના રોજ ઘણા ભારતીય નેતાઓને એક ચેતવણી સંદેશ મોકલ્યો છે. તેણે ચેતવણી આપી હતી કે તેના આઇફોનને ‘State Sponsored Attack’ દ્વારા નિશાન બનાવવામાં આવ્યા હતા. ત્યારે હવે આ મામલે એપલ હેકિંગ એલર્ટને લઇને વિપક્ષ સરકારને આડેહાથ લેવાનો પ્રયાસ કરી રહી છે. આ અંગે પિયુષ ગોયલે વળતો જવાબ આપ્યો હતો.
કોંગ્રેસ પહેલા પોતાની નબળાઇ જોવે- પિયુષ ગોયલ
પિયુષ ગોયલે જણાવ્યું હતું કે તેઓ ગમે તેવા દાવા કરે પરંતુ દેશ અને દુનિયા જાણે છે કે તેઓની શું સ્થિતિ છે. તેઓ પહેલા પોતાની નબળાઇ જોવે. સ્પષ્ટ છે કે આમા સરકારનો કોઇ રોલ નથી. વધુમાં જણાવ્યું તેઓ અંદરોઅંદર પોતાના ઝઘડામાં ખૂબ જ ગુંચવાયા છે. તેમણે અમારા પર ટિપ્પણી કરવાને બદલે પહેલા તેમની નબળાઈઓ જોવી જોઈએ. સ્પષ્ટ છે કે સરકાર આમાં તેની કોઈ ભૂમિકા નથી અને સરકારે આવું કંઈ કરવાની જરૂર રહેતી જ નથી.
FIR કરાવી દો- રવિશંકર પ્રસાદે
Apple આઇફોન હેકીંગ એલર્ટ મામલે વિપક્ષે સરકારને ઘેર્યુ છે. સરકાર વિરુદ્ધ ગંભીર આરોપો લગાવ્યા છે. તેવામાં ભાજપે વળતો જવાબ આપ્યો છે. ભાજપે આ તમામ આરોપોને ફર્ઝી અને પાયા વિહોણા ગણાવ્યા છે. ભાજપનું કહેવુ છે કે આ આરોપો પર એપલ સફાઇ આપે કારણ કે કથિતરૂપે તેમના તરફથી જ વિપક્ષી નેતાઓને એલર્ટના સંદેશ મોકલવામાં આવ્યા છે. બીજેપીના વરિષ્ઠ નેતા અને પૂર્વ કેન્દ્રીય મંત્રી રવિશંકર પ્રસાદે જણાવ્યું હતું કે વ્યું કે સરકાર પર આરોપો લગાવવાની જગ્યાએ આ લોકોએ એપલ સામે આ મુદ્દો ઉઠાવવો જોઇએ. એફઆઇઆર કરવી જોઇએ.
