આસામ: કાઝીરંગા નેશનલ પાર્કમાં હાથીની સફારીની પ્રવાસીઓએ માણી મજા

•  વર્લ્ડ હેરિટેજ સાઈટ નેશનલ પાર્ક કાઝીરંગામાં હાથી સફારી શરૂ થઈ ગઇ
  
• એલિફન્ટ સફારી દર વર્ષે 1 નવેમ્બરે શરૂ કરવામાં આવે
  
• દૂર-દૂરથી પ્રવાસીઓ આ ખાસ સવારીનો આનંદ માણવા આવી પહોંચે 

દેશી અને વિદેશી પ્રવાસીઓ માટે સારા સમાચાર છે. વર્લ્ડ હેરિટેજ સાઈટ નેશનલ પાર્ક કાઝીરંગામાં હાથી સફારી શરૂ થઈ ગઇ છે. એલિફન્ટ સફારી દર વર્ષે 1 નવેમ્બરે શરૂ કરવામાં આવે છે. દૂર-દૂરથી પ્રવાસીઓ આ ખાસ સવારીનો આનંદ માણવા આવી પહોંચે છે.

વિદેશી પ્રવાસીઓ પણ મોટી સંખ્યામાં જોવા મળ્યા હતા

હાથી સફારીના પ્રથમ દિવસે સ્થાનિક પ્રવાસીઓની સાથે વિદેશી પ્રવાસીઓ પણ મોટી સંખ્યામાં જોવા મળ્યા હતા. કાઝીરંગા નેશનલ પાર્ક ઓથોરિટીએ વિદેશી પ્રવાસીઓનું ફૂલમ ગમચા સાથે સ્વાગત કર્યું હતું. કાઝીરંગા નેશનલ પાર્કના ડીએફઓ રમેશ કુમાર ગોગોઈએ હાથીની પૂજા કર્યા બાદ રિબન કાપીને હાથી સફારીને પ્રવાસીઓ માટે ખુલ્લો મુક્યો હતો. આજે હાથીની પીઠ પર સવારીના પ્રથમ દિવસે કાઝીરંગાનો સુંદર નજારો અને આસામનો મહિમા જોઈને પ્રવાસીઓ ખુશ થઈ ગયા હતા.

સુંદર નજારો અને આસામનો મહિમા જોઈને પ્રવાસીઓ ખુશ થઈ ગયા 

પાર્કના ડીએફઓ રમેશ કુમાર ગોગોઈએ જણાવ્યું હતું કે કોહરાના મિહિમુખમાં 10 વિભાગીય હાથીઓ અને બાગરી જંગલ વિસ્તારમાં 25 ખાનગી હાથીઓ સાથે હાથી સફારીનું ઉદ્ઘાટન કરવામાં આવ્યું હતું. એક તો જંગલ તેમા પણ હાથી પર સવારી પર્યયકો જીવનભર આ આનંદને ભૂલી ન શકે.