ભારત સરકારના નેશનલ હેલ્થ મિશન અંતર્ગત રાષ્ટ્રીય બાલ સ્વાસ્થ્ય કાર્યક્રમ

ભારત સરકારના નેશનલ હેલ્થ મિશન અંતર્ગત રાષ્ટ્રીય બાલ સ્વાસ્થ્ય કાર્યક્રમ

બાળકોનું આરોગ્ય પરિક્ષણ યોજાયો

અગ્ર ગુજરાત, દીવ

રાષ્ટ્રીય બાલ સ્વાસ્થ્ય કાર્યક્રમ અંતર્ગત પી.એમ.શ્રી સરકારી ઈંગ્લીશ મીડીયમ સ્કૂલમાં બાળકોનું સ્વાસ્થ્ય ચેક કરવામાં આવ્યું. નેશનલ હેલ્થ મીશન અંતર્ગત 0થી 18 વર્ષ સુધીના તમામ બાળકોનું નિયમીત આરોગ્ય પરીક્ષણ, રોગોની વહેલી ઓળખ અને સમયસર સંપૂર્ણ મફત સારવાર ઉપલબ્ધ કરાવવાનો છે.  CHC ઘોઘલા, દીવની RBSK ટીમ જેમાં ડો.જાગૃતિ સોલંકી, ટીન્કેશ બામણીયા તથા તેમજ અન્ય સ્વાસ્થ્ય કર્મીઓ જોડાયા હતા. આ ટીમ દ્વારા તપાસમાં બાળકોની હાઈટ, વજન, હિમોગ્લોબીન, આંખો, દાંત અને ત્વચાની તપાસ તેમજ અન્ય જરૂરી ચકાસણી કરવામાં આવી હતી. આ ઉપરાંત બાળકોનો સંતુલીત આહાર પોષણ, સ્વચ્છતા અને સ્વસ્થ જીવનશૈલી વિશે માર્ગદર્શન આપવામાં આવ્યું હતું.

જો કોઈ બાળકમાં આરોગ્ય સંબંધિત કોઈ સમસ્યા જોવા મળે તો તેને દીવ સરકારી હોસ્પિટલમાં તપાસ કરવામાં આવે છે. RBSK કાર્યક્રમ ખાસ કરીને બાળકોમાં ૪ડીની વહેલી ઓળખ ઉપર ભાર મૂકે છે. જેમાં જન્મજાત ખામીઓ, પોષણની ઉણપ, વિવિધ બીમારીઓનો સમાવેશ થાય છે. RBSKનો મુખ્ય ઉદેશ માત્ર બીમારીની સારવાર કરવાનો નથી પરંતુ દરેક બાળકને સ્વસ્થ બાળપણ, યોગ્ય પોષણ, સમયસર નિદાન અને ગુણવત્તાસભર સારવાર મળે અને તેનું ભવિષ્ય ઉજ્જવળ બને તે સુનિશ્ચીત કરવાનો છે. આ તપાસ દરમ્યાન શાળાના આચાર્ય શ્રીમતી આરતી મોડાસીયા અને શિક્ષક ભાઈ-બહેનોએ સ્વાસ્થ્ય ટીમને સંપૂર્ણ સહયોગ આપ્યો હતો.