હાઈકોર્ટ બેંચ બાબતે વિવાદની અફવા વચ્ચે બાર એસો.ની બેઠક મળી
વર્તમાનમાં ચાલતા આંદોલનને સમર્થન આપવા લેવાયેલો નિર્ણય
અગ્ર ગુજરાત, રાજકોટ
રાજકોટમાં હાઈકોર્ટની બેંચને લઈને અમુક નિવેદનોથી તમામ બાર એસોસિએશનને અસર થાય છે. આજ રોજ એસોસિએશનની એક મહત્વની મીટીંગ પ્રમુખ રમેશ કથીરિયા, સેક્રેટરી વિજય તોગડિયાએ એક તત્કાલીન મીટીંગ બોલાવી રાજકોટ બાર એસોસિયએશનનું હાલ હાઇકોર્ટ બેંચ રાજકોટને મળવા જે આંદોલન ચાલે છે તેમાં સંપૂર્ણ સહકાર આપવાની રાજકોટ રેવન્યુ બાર એસોસિએશને ખાતરી આપેલ છે.
રાજકોટને હાઇકોર્ટ બેંચ મળે તેમાં સમગ્ર સૌરાષ્ટ્ર અને કચ્છ લડત કરી રહેલ છે. તમામ ધારાસભ્ય. સંસદ સભ્યો રાજકોટને હાઇકોર્ટ બેંચ મળે તે માટે સરાહનીય તથા તમામ પ્રયત્નો કરી રહ્યા છે ત્યારે રાજકોટના લીગલ સેલના જે નિવેદનો આવે છે તેમાં આંદોલનને અસર થવાની સંભાવના છે. લીગલ સેલ અને રાજકોટ બાર એસોસિએશન તમામ ભાજપ જનતા પાર્ટી સમર્પિત છે રાજકોટને બેંચ મળે તેના પ્રયત્નો કરી રહ્યા છે.
ભારતીય જનતા પાર્ટીના ચૂંટણીના ઢંઢેરામાં પણ રાજકોટને હાઇકોર્ટ બેંચ મળે તેમ જણાવેલ છે અને સરકાર પણ હાઇકોર્ટ બેંચ મળે તે માટે હકારાત્મક છે. રાજકોટ બાર એસોસિએશનના પ્રમુખ પણ હકારાત્મક વલણ રાખીને આંદોલન કરી રહ્યા છે ત્યારે અમુક વ્યક્તિના નિવેદનથી તમામ બાર એસોસિએશનમાં પણ અસર થાય તેવું છે. આ દ્રષ્ટિએ જ્યારે ભાજપ જનતા પાર્ટીની સરકારને હાઇકોર્ટ બેંચ મળવા બાર એસોસિએશનની લડતને તમામે સહકાર આપવો જોઈએ તેવું અમારું માનવું છે તેમ જણાવ્યું હતું.
