પૂજ્ય જગાસ્વામીની ૧૯૯મી જન્મજયંતિ, પાંચમો પાટોત્સવ અને ‘માં સરસ્વતી સન્માન સમારંભ’ની ત્રિવિધ ઉજવણી
મોચી સમાજની ધાર્મિક આસ્થા સાથે ‘માં’ સરસ્વતીની સાધના અને આરાધના વંદનીય છે: ધારાસભ્ય મેઘજીભાઈ ચાવડા
અગ્ર ગુજરાત, રાજકોટ
શ્રી અનાદી મહામુક્ત પૂ. શ્રી જગાસ્વામી ચેરીટેબલ ટ્રસ્ટ – દેવપુર (રણુજા) ખાતે ધાર્મિક અને શૈક્ષણિક ચેતનાને ઉજાગર કરતા ત્રિવિધ કાર્યક્રમોનું અત્યંત ભક્તિભાવ અને ઉત્સાહપૂર્વક આયોજન કરવામાં આવ્યું હતું. આ પાવન અવસરે પૂજ્ય જગાસ્વામીની ૧૯૯મી જન્મજયંતિની ભવ્ય ઉજવણી, મંદિરનો પાંચમો પાટોત્સવ તેમજ સમાજના તેજસ્વી વિદ્યાર્થીઓને પ્રોત્સાહિત કરવા માટે ‘માં સરસ્વતી સન્માન સમારંભ’ યોજાયો હતો.
ધાર્મિક આસ્થા અને શિક્ષણનો અનોખો સંગમ આ પ્રસંગે ખાસ ઉપસ્થિત રહેલા ધારાસભ્ય મેઘજીભાઈ ચાવડાએ સમાજના શૈક્ષણિક અને ધાર્મિક કાર્યોને બિરદાવતા જણાવ્યું હતું કે, “મોચી સમાજની ધાર્મિક આસ્થાની સાથે ‘માં’ સરસ્વતીની સાધના અને આરાધના ખરેખર વંદનીય છે.” સમારોહમાં તેજસ્વી તારલાઓનું સન્માન કરીને તેમને ઉજ્જવળ ભવિષ્ય માટે પ્રોત્સાહિત કરવામાં આવ્યા હતા.
રાજકીય અને સામાજિક અગ્રણીઓની પ્રેરક ઉપસ્થિતિ આ ત્રિવિધ મહોત્સવમાં ધારાસભ્ય મેઘજીભાઈ ચાવડા ઉપરાંત કાલાવડ તાલુકા ભાજપ પ્રમુખ સંજયભાઈ ડાગરીયા, કાલાવડ શહેર ભાજપ મહામંત્રી કિશોરભાઈ નિમાવત અને કાલાવડ શહેર ભાજપના પૂર્વ પ્રમુખ હસુભાઈ વોરા સહિતના અગ્રણીઓએ વિશેષ ઉપસ્થિત રહી શુભેચ્છાઓ પાઠવી હતી.
ટ્રસ્ટીમંડળ અને કાર્યકરોને અભિનંદન સમગ્ર કાર્યક્રમના સફળ અને સુંદર આયોજન બદલ ઉપસ્થિત મહાનુભાવો દ્વારા ટ્રસ્ટના પ્રમુખ હરસુખભાઈ જે. પરમાર, મહામંત્રી પ્રકાશભાઈ એ. ચૌહાણ, ખજાનચી નિરવભાઈ એચ. પરમાર, ઉપપ્રમુખ ધર્મેશભાઈ સી. ઝાલા અને ઉપપ્રમુખ ચંદ્રકાન્ત સી. જરાદી સહિત સમગ્ર ટ્રસ્ટીમંડળ અને સેવાભાવી કાર્યકરોને અભિનંદન પાઠવવામાં આવ્યા હતા.


