F.M.ગ્રુપ દ્વારા રજૂ થઈ ‘મેક્સવિલ’ અને ‘ફ્રીડમ’ બ્રાન્ડની અત્યાધુનિક ‘ઓલ-ઇન-વન’ ઇન્ફ્રારેડ સગડી
૨૫૦૦ વોટની શક્તિશાળી ક્ષમતા સાથે રોટલા, રોટલી, ભાખરી અને શાક સહિતની સંપૂર્ણ રસોઈ એક જ સગડી પર શક્ય
સગડી સાથે માટીનો નોન-સ્ટેક તવા, લોઢાનો તવા અને સ્ટીલની ગ્રીલ જાળી જેવી ખાસ એસેસરીઝનો સમાવેશ
અગ્ર ગુજરાત, રાજકોટ
વધતી જતી મોંઘવારી અને રાંધણ ગેસ સિલિન્ડર મેળવવાની મુશ્કેલીઓ વચ્ચે ગૃહિણીઓ માટે રસોડાનું કામ સરળ અને આર્થિક બનાવવા રાજકોટના જાણીતા એફ.એમ. ગ્રુપ દ્વારા ‘ફ્રીડમ’ અને ‘મેક્સવિલ’ બ્રાન્ડની અદ્યતન ‘ઓલ-ઇન-વન’ ઇન્ફ્રારેડ સગડી બજારમાં રજૂ કરવામાં આવી છે. આ નવીન સગડી માત્ર રસોઈને ઝડપી અને સરળ જ નથી બનાવતી, પરંતુ ગેસ પરની નિર્ભરતાને પણ સંપૂર્ણપણે ઘટાડે છે.
વર્ષ ૨૦૦૧થી માર્કેટમાં કાર્યરત રાજકોટનું આ પ્રતિષ્ઠિત એફ.એમ. ગ્રુપ ગુજરાત, રાજસ્થાન, મહારાષ્ટ્ર અને ઉત્તર પ્રદેશ સહિત દેશના ૮ થી ૧૦ રાજ્યોમાં પોતાના ઉત્કૃષ્ટ ઉત્પાદનો પૂરા પાડે છે તેમજ વિદેશોમાં પણ નિકાસ કરે છે. કંપની દ્વારા લૉન્ચ કરાયેલ આ નવી સગડી ૨૫૦૦ વોટના શક્તિશાળી પાવર અને ઇન્ફ્રારેડ ટેક્નોલોજીથી સજ્જ છે, જે ઝડપી અને એકસમાન હીટિંગ પ્રદાન કરે છે.
સામાન્ય રીતે બજારમાં મળતી ઇન્ડક્શન કે ઇલેક્ટ્રિક સગડીઓમાં માત્ર અડધી રસોઈ (જેવી કે ચા, શાક કે ગરમ પાણી) જ થઈ શકતી હતી અને રોટલા, રોટલી કે ભાખરી માટે અંતે ગેસના ચૂલાનો જ સહારો લેવો પડતો હતો. પરંતુ ‘મેક્સવિલ’ અને ‘ફ્રીડમ’ની આ ‘ઓલ-ઇન-વન’ સગડીમાં રોટલો, રોટલી, ભાખરી, શાક, પુડલા અને પરાઠાથી માંડીને તમામ પ્રકારની સંપૂર્ણ રસોઈ એક જ જગ્યાએ સરળતાથી થઈ શકે છે. આ સગડી સાથે ખાસ માટીના તવા જેવો પ્રાકૃતિક અને અસલી સ્વાદ હવે આધુનિક નોન-સ્ટેક સુવિધા સાથે. રોટી, પરાઠા, પુડલા અને રોજિંદા પકવાન બનાવવા માટે અત્યંત ઉપયોગી. મકાઈ, પાપડ, રીંગણ વગેરે શેકવા માટે શ્રેષ્ઠ વિકલ્પ જેવા ઉપયોગી એસેસરીઝ પણ આપવામાં આવે છે.
વર્તમાન સમયમાં ઘરે-ઘરે સોલાર પાવર હોવાથી વીજળી સરળ અને સસ્તી ઉપલબ્ધ છે, ત્યારે આ ઇન્ફ્રારેડ સગડીનો ઉપયોગ કરવાથી મોંઘા ગેસ સિલિન્ડરની ચિંતામાંથી મોટી રાહત મળે છે. ગેસના ચૂલાથી વિપરીત, આ સગડી ચાલુ હોય ત્યારે પણ રસોડામાં પંખો ચાલુ રાખીને આરામથી રસોઈ કરી શકાય છે. ઉર્જાની બચત કરતી અને વાપરવામાં અત્યંત સુરક્ષિત હોવાથી તે દરેક આધુનિક રસોડા માટે ઉત્તમ વિકલ્પ સાબિત થઈ રહી છે.
એફ.એમ. ગ્રુપ દ્વારા આ સગડી ઉપરાંત ઘરઘંટી, આર.ઓ. પ્લાન્ટ (RO Plant), એલઈડી ટીવી, એર કૂલર અને ઇન્ડક્શન જેવા વિવિધ ગૃહોપયોગી ઉપકરણોનું પણ ઉત્પાદન કરવામાં આવે છે. નોંધનીય છે કે, આ સફળ ઉદ્યોગ સાહસ પાછળ છેલ્લા ૨૭ વર્ષથી અતૂટ મિત્રતા ધરાવતા ત્રણ ગાઢ મિત્રોનો સહયોગ રહેલો છે, જેઓ સાથે મળીને ગુણવત્તા અને વિશ્વસનીયતાના પ્રતીક સમાન આ વ્યવસાય ચલાવી ગૃહિણીઓનું જીવન આસાન બનાવી રહ્યા છે.


