- 7 વર્ષના બાળક પર કાર ચાલકે ચઢાવી દીધી કાર
- અકસ્માતમાં સદનસીબે બાળકનો બચાવ થયો
- બાળકને માથા અને મોંના ભાગે ઇજા પહોંચી
સુરતના કતારગામ વિસ્તારમાં અકસ્માત થયો છે. જેમાં 7 વર્ષના બાળક પર કાર ચાલકે કાર ચઢાવી દીધી હતી. તેમાં અકસ્માતમાં સદનસીબે બાળકનો બચાવ થયો છે. તેમજ બાળકને માથા અને મોંના ભાગે ઇજા થઇ છે. તથા સમગ્ર ઘટનાના CCTV ફૂટેજ સામે આવ્યા છે.
બાળકને માથાના ભાગે અને મોંના ભાગે ઇજા થઈ
સુરત શહેરના કતારગામ વિસ્તારમાં વોલ્વો કાર ચાલકે અકસ્માત સર્જ્યો છે. જેમાં 7 વર્ષનો બાળક ફટાકડા ફોડી રહ્યો હતો તે દરમિયાન કાર ચાલકે તેના પરથી કાર ચઢાવી દીધી હતી. સમગ્ર ઘટનાના સીસીટીવી સામે આવ્યા છે. તથા ઘટનામાં સદ્નસીબે બાળકનો ચમત્કારી રીતે બચાવ થયો છે. તેમજ બાળકને માથાના ભાગે અને મોંના ભાગે ઇજા થઈ છે. જેમાં રામ રાખે તેને કોણ ચાખે તે કેહવત ફરીથી સાર્થક થઈ છે.
અમદાવાદના કાંકરિયામાં ટ્રક ચાલકે બાળકને અડફેટે લેતા બાળકનું મૃત્યુ
તાજેતરમાં અમદાવાદના કાંકરિયામાં ટ્રક ચાલકે બાળકને અડફેટે લેતા બાળકનું મૃત્યુ થયું છે. કાંકરિયા રેલવે યાર્ડ નજીક ટ્રકની અડફેટે અઢી વર્ષના બાળકનું મૃત્યુ થયાના સમાચાર છે. બાળકના મૃત્યુને લઈને પરિવારમાં આક્રંદ જોવા મળ્યો હતો. સ્થાનિકોએ ટ્રકચાલકને પકડીને માર મારતા ઈજાગ્રસ્ત થયો હતો. તો વડોદરામાં ઓવર સ્પિડિંગથી વધુ એક અકસ્માત સામે આવ્યો હતો. લક્ષ્મીપુરા રોડ પર નારાયણ ગાર્ડન એવરેસ્ટ હબ પાસે કાર અકસ્માતની ઘટના બની હતી. કારના ચાલકે સ્ટિયરિંગ પરથી કાબૂ ગુમાવતા અકસ્માત થયો હોવાની માહિતી મળી હતી. બેકાબૂ કાર વીજપોલ સાથે ધડાકાભેર અથડાઈ હતી. જો કે કારચાલક કાર મૂકીને ફરાર થઇ ગયો હતો. રાજકોટના હડમતીયા ગામ નજીક બાઈક વચ્ચે ડુક્કર આવતા અકસ્માત થયો હતો. અકસ્માતમાં રમેશ પંચાલ નામના વ્યક્તિનું મૃત્યુ થયાનું સામે આવ્યું છે.
ટ્રકના પાછળના ટાયરમાં આવી જતા તેનું ઘટના સ્થળે કરુણ મોત નીપજ્યું
કાંકરિયા રેલવે યાર્ડ નજીક થયેલ અકસ્માતની વિગતે ચર્ચા કરીએ તો 3 વર્ષના બાળકને ટ્રક ચાલકે કચડી નાખતા અરેરાટી મચી હતી. આ અકસ્માતમાં બાળકનું ઘટનાસ્થળે જ મોત થતા સ્થાનિક રહીશોએ ટ્રકના ચાલકને માર માર્યો હતો. જેને લઈને તેને સારવાર માટે હોસ્પિટલમાં ખસેડવામાં આવ્યો હતો. બાળક શાહનવાઝ સૈયદ રમી રહ્યો હતો અને રમતા રમતા ગેટ નજીક પહોંચ્યો ત્યારે સ્પીડમાં આવી રહેલી ટ્રકના પાછળના ટાયરમાં આવી જતા તેનું ઘટના સ્થળે કરુણ મોત નીપજ્યું હતું.
