- વિરાટ કોહલી વર્લ્ડકપ 2023માં ટોપ સ્કોરર
- વિરાટ કોહલીએ વનડેમાં 50 સદી ફટકારી
- કોહલીએ સચિનને વનડે સદીના રેકોર્ડ તોડ્યો
વિરાટ કોહલીએ વર્લ્ડકપ 2023ની સેમિફાઇનલમાં ન્યૂઝીલેન્ડ સામે તેની ODI કારકિર્દીની 50મી સદી ફટકારી હતી. આ સદી સાથે, કોહલી ભૂતપૂર્વ ભારતીય બેટ્સમેન સચિન તેંડુલકરને પાછળ છોડીને ODI ફોર્મેટમાં સૌથી વધુ સદી ફટકારનાર ખેલાડી બન્યો. કોહલીની આ ઈનિંગ બાદ ટીમના પૂર્વ બેટ્સમેન નવજોત સિંહ સિંધુએ કિંગ કોહલીના જોરદાર વખાણ કર્યા હતા. તેણે કોહલીને પાંચ દાયકામાં ભારતીય ક્રિકેટનો સૌથી મહાન બેટ્સમેન ગણાવ્યો હતો.
વિરાટ કોહલી સૌથી મહાન બેટ્સમેન
નવજોત સિંહ સિદ્ધુએ તેમના ટ્વિટર પર લખ્યું, “છેલ્લા પાંચ દાયકાથી ભારતીય ક્રિકેટને જોયા પછી, હું માનું છું કે વિરાટ કોહલી સૌથી મહાન બેટ્સમેન છે. તે દબાણમાં ખીલે છે, દબાણમાં અને રનનો પીછો કરતા તે સૌથી વધુ રન બનાવે છે.વિરાટ કોહલી મોટી મેચનો ખેલાડી છે. ક્રિકેટના તમામ ફોર્મેટ, ઘર અને દૂરની પરિસ્થિતિઓમાં પણ તેની ફિટનેસ તેને અસાધરણ બનાવે છે.ભૂતપૂર્વ ભારતીય બેટ્સમેને આગળ લખ્યું, “જમીનથી ચંદ્રનું અંતર એ ઊંચાઈની બાબત નથી પરંતુ પરિપ્રેક્ષ્યની બાબત છે. તેની ક્યારેય હાર ના માનવાની માનસિક શક્તિ તેને વિશ્વભરના બાળકોને પ્રેરણા આપવા માટે સૌથી પ્રભાવશાળી રોલ મોડેલ બનાવે છે! આ પોસ્ટમાં તેણે કિંગ કોહલીને પણ ટેગ કર્યા છે.
વર્લ્ડ કપ 2023માં ઉચ્ચ સ્કોરર
વર્લ્ડકપ 2023માં સૌથી વધુ રન બનાવનારા બેટ્સમેનોની યાદીમાં વિરાટ કોહલી ટોપ પર છે. તેણે 10 મેચની 10 ઇનિંગ્સમાં 101.57ની શાનદાર એવરેજથી 711 રન બનાવ્યા છે. આ દરમિયાન તેના બેટમાંથી 3 સદી અને 5 અડધી સદી જોવા મળી છે. આ રન સાથે કોહલીએ વર્લ્ડકપની એક જ આવૃત્તિમાં સૌથી વધુ રન બનાવવાનો રેકોર્ડ પણ બનાવી લીધો છે.
