રાજ્યમાં વાદળવાયુ વાતાવરણ રહેશે તથા આ શહેરમાં કમોસમી વરસાદની આગાહી

• આગામી 5 દિવસમાં વરસાદની શક્યતા નહિવત
  
• આગામી 3 દિવસ બાદ તાપમાનમાં ઘટાડો થશે
  
• દિવસનું તાપમાન ઓછું હોવાથી ઠંડીનો અનુભવ
  

ગુજરાતમાં વાતાવરણ અંગે હવામાન વિભાગની આગાહી છે. જેમાં આગામી 5 દિવસમાં વરસાદની શક્યતા નહિવત છે. તેમજ રાજ્યમાં વાદળવાયુ વાતાવરણ રહેશે. ત્યારે દાહોદમાં હળવા વરસાદની આગાહી છે. તથા આગામી 3 દિવસ બાદ તાપમાનમાં ઘટાડો થશે.

દિવસનું તાપમાન ઓછું હોવાથી ઠંડીનો અનુભવ થશે

દિવસનું તાપમાન ઓછું હોવાથી ઠંડીનો અનુભવ થશે. હવામાન નિષ્ણાત અંબાલાલ પટેલની મોટી આગાહી સામે આવી છે. હવામાન નિષ્ણાત અંબાલાલ પટેલે જણાવ્યું કે, હજુ માવઠું પીછો નહીં છોડે. કરા સાથે માવઠું થશે અને હાડ થીજવતી ઠંડી પડશે. 2થી 4 ડિસેમ્બરમાં પશ્ચિમ વિક્ષેપો આવશે. એક પછી એક પશ્ચિમી વિક્ષેપો આવશે. પશ્ચિમી વિક્ષેપોની વૈશ્વિક અસરો પણ થાય છે. તેમણે 2થી 16 ડિસેમ્બર સુધી દક્ષિણ ભારતમાં ભારે વરસાદની આગાહી કરી છે.

2થી 4 ડિસેમ્બરમાં બંગાળના ઉપસાગરમાં ભારે ચક્રવાત થશે

2થી 4 ડિસેમ્બરમાં બંગાળના ઉપસાગરમાં ભારે ચક્રવાત થશે. 8 ડિસેમ્બર સુધી ચક્રવાતનું જોર રહેશે. ચક્રવાતનાં કારણે દક્ષિણ- પૂર્વિય ભાગોમાં વરસાદ થશે. ભેજવાળા પવનો પશ્ચિમી વિક્ષેપો સાથે મર્જ થશે. વાદળવાયુ વાતાવરણ અને વરસાદ થશે. ભારે પવન અને કરા સાથે વરસાદ થઈ શકે છે. ઉત્તરના પર્વતીય પ્રદેશમાં ભારે હિમવર્ષા થશે. અંબાલાલ પટેલે જણાવ્યું કે, 2 થી 16 ડિસેમ્બરમાં પશ્ચિમી વિક્ષેપો આવશે. 19થી 22 ડિસેમ્બરમાં વધુ એક પશ્ચિમી વિક્ષેપ આવશે.