પુષ્પા ફિલ્મની મોડ્સ ઓપરેન્ડીથી દારૂની હેરાફેરીનો પોલીસે પર્દાફાશ કર્યો

પુષ્પા ફિલ્મની મોડ્સ ઓપરેન્ડીથી દારૂની હેરાફેરીનો પોલીસે પર્દાફાશ કર્યો છે. જેમાં એસિડના ટેન્કરમાં છૂપું ખાનું બનાવીને વિદેશી દારૂની હેરાફેરી કરતા એક આરોપીની પોલીસે ધરપકડ કરી છે. રાજસ્થાનથી દારૂનો જથ્થો ગુજરાતમાં ઘુસાડવાના કનેક્શનને લઈને પોલીસે તપાસ શરૂ કરી છે.

પુષ્પા ફિલ્મની મોડ્સ ઓપરેન્ડીનો ઉપયોગ કરીને બુટેલગર દારૂની હેરફેરી શરૂ કરી છે. આ ફિલ્મમાં જે પ્રકારે ચંદનના લાકડાની તસ્કરી કરવા માટે દૂધના ટેન્કરનો ઉપયોગ કરવામાં આવ્યો હતો. આજ પ્રકારે બુટલેગરે દારૂની હેરાફેરી કરવા એસિડના ટેન્કરનો ઉપયોગ કર્યો હતો. એસિડના ટેન્કરમાં ડ્રાઈવર સાઈડના આગળના ભાગે એક ધાતુની પ્લેટ ઉપર અંગ્રેજીમાં સલ્ફરીક એસીડ લખાણ લખેલ આ પ્લેટની બોર્ડર ઉપર લાલ કલરની રેડીયમ પટ્ટી મારેલી હતી. અને ટેન્કરની અંદર ધાતુની પ્લેટની બોર્ડર બનાવીને સ્ક્રૂ વડે ફીટ કરેલ હતી. જેમાં એક ભાગમાં વિદેશી દારૂ તો બીજા ભાગમાં એસિડ પ્રવાહી રાખવામાં આવે છે. જેથી દારૂની હેરાફેરી સરળતાથી કરી શકાય. આ ટેન્કર પર રાજસ્થાનથી વિદેશી દારૂ લઈને રાજકોટ આપવા જતો હોવાનું ખુલ્યું છે.

ટેન્કરની આ નવી મોડ્સ ઓપરેન્ડી બાદ પોલીસે ચેકીંગ શરૂ કર્યું

વિદેશી દારૂની હેરાફેરીમાં બુટલેગર હવે ફિલ્મોની મોડ્સ ઓપરેન્ડીનો ઉપયોગ કરી રહ્યા છે. અગાઉ બાઈક, એમ્બ્યુલન્સ, કાર અને બસમાં છુપાખાના બનાવીને હેરાફેરી કરતા હતા. હવે ટેન્કરની આ નવી મોડ્સ ઓપરેન્ડી બાદ પોલીસે ચેકીંગ શરૂ કર્યું છે. પકડેલા આરોપીની પૂછપરછ કરીને દારૂની સપ્લાય કરનાર અને લેનારની ધરપકડની કાર્યવાહી હાથ ધરી છે.